پاکستان کرکٹ ٹیم ٹی 20 ورلڈ کپ 2026 میں اپنے سفر کا آغاز ہفتے سے کرے گی، جہاں قومی ٹیم اپنا پہلا میچ نیدرلینڈز کے خلاف کولمبو میں کھیلے گی۔ اس میچ کے ساتھ ہی سلمان علی آغا پہلی بار آئی سی سی ٹی ٹوئنٹی ورلڈ کپ میں پاکستان کی قیادت کرتے دکھائی دیں گے۔
Colombo is quiet unpredictable.. Rain has disrupted Netherlands practice session before Tournament opener against Pakistan tomorrow#T20WorldCup #Cricket #PAKvNED pic.twitter.com/6Sr9I3peLq
— Shakeel Khan Khattak (@ShakeelktkKhan) February 6, 2026
پاکستان اور نیدرلینڈز کے درمیان پہلا میچ سنہالی اسپورٹس کلب کولمبو میں کھیلا جائے گا، جو پاکستانی وقت کے مطابق صبح 10:30 بجے شروع ہوگا۔ قومی ٹیم کی قیادت سلمان علی آغا کریں گے، جو اب تک 43 ٹی ٹوئنٹی میچز میں پاکستان کی کپتانی کر چکے ہیں۔ ان کی قیادت میں پاکستان نے 43 میں سے 27 میچز جیتے ہیں۔
یہ بھی پڑھیں:آئی سی سی ٹی 20 ورلڈ کپ 2026 کے لیے نامور کمنٹیٹرز کا اعلان
ایشیا کپ 2025 کے بعد پاکستان نے شاندار کارکردگی کا مظاہرہ کرتے ہوئے 13 ٹی 20 میچز میں 10 فتوحات حاصل کیں، جبکہ حال ہی میں آسٹریلیا کو تین میچز کی ٹی 20 سیریز میں کلین سوئپ بھی کیا۔ ورلڈ کپ سے قبل پاکستانی ٹیم نے کولمبو میں دو بھرپور ٹریننگ سیشنز میں حصہ لے کر تیاریوں کو حتمی شکل دی۔
🏏 FREE ENTRY ALERT
The opening match of the ICC Men’s T20 World Cup 2026 at the SSC Grounds, Colombo, will be open to the public tomorrow.
🎟 Gates 5 & 7 open from 9:30 a.m.
🇵🇰 Pakistan vs 🇳🇱 Netherlands
🕚 Match starts at 11:00 a.m. pic.twitter.com/6cOzbLT3ts— NewsWire 🇱🇰 (@NewsWireLK) February 6, 2026
کپتان سلمان علی آغا کا کہنا ہے کہ ٹیم کا ہدف ہر میچ میں بہترین کھیل پیش کر کے ٹرافی اپنے نام کرنا ہے۔ پاکستان اب تک ٹی ٹوئنٹی ورلڈ کپ میں 51 میچز کھیل چکا ہے، جن میں سے 30 میں کامیابی حاصل کی، جبکہ قومی ٹیم 2009 میں ٹی ٹوئنٹی ورلڈ کپ کی چیمپئن بھی رہ چکی ہے۔
واضح رہے کہ آئی سی سی ٹی ٹوئنٹی ورلڈ کپ 2026 کا فائنل 8 مارچ کو کھیلا جائے گا۔
