پاکستان مسلم لیگ (ن) کے صدر محمد نواز شریف سے ازبکستان کے سفیر علی شیر تختیوف نے ملاقات کی، جس میں دو طرفہ اقتصادی تعاون کو بڑھانے اور باہمی دلچسپی کے امور پر تبادلہ خیال کیا گیا۔
ملاقات کے دوران ازبک سفیر نے صدر مسلم لیگ ن کو ازبکستان کے صدر شوکت مرزائیوف کا خط بھی پہنچایا۔
پاکستان مسلم لیگ ن کے صدر میاں نواز شریف سے ازبک سفیر علی شیر تختیوف کی ملاقات،دو طرفہ اقتصادی تعاون بڑھانے اورباہمی دلچسپی کےامور پر تبادلہ خیال،ازبک سفیر نےنوازشریف کو ازبکستان کےصدرشوکت مرزائیوف کا خط پہنچایا۔ pic.twitter.com/ELa0yG580n
— WE News (@WENewsPk) February 9, 2026
ازبک صدر نے اپنے خط میں وزیر اعلیٰ پنجاب مریم نواز شریف کے عوامی فلاحی منصوبوں کو سراہا اور محمد نواز شریف کو پاکستان کے محب وطن بیٹے قرار دیا، جنہوں نے ملکی عوام کے لیے شاندار ترقیاتی منصوبے شروع کیے۔
اس موقع پر ازبک صدر نے صدر مسلم لیگ ن محمد نواز شریف اور وزیر اعلیٰ پنجاب مریم نواز شریف کو ازبکستان کے دورے کی دعوت بھی دی۔
ملاقات میں دونوں فریقین نے دو طرفہ تعلقات کو مزید مضبوط بنانے اور اقتصادی تعاون کے نئے مواقع تلاش کرنے پر اتفاق کیا۔
