قومی ٹی20 کرکٹ ٹیم کے اوپننگ بیٹر صاحبزادہ فرحان نے ٹی20 ورلڈ کپ میں امریکا کے خلاف میچ میں ایک اہم سنگِ میل حاصل کرلیا۔
سری لنکا کے شہر کولمبو میں ہونے والے میچ میں صاحبزادہ فرحان نے اپنی انفرادی رنز کی تعداد ایک ہزار تک پہنچا دی، جو انہوں نے صرف 41 اننگز میں مکمل کی۔
👏 Well played! Sahibzada Farhan dazzles with 73 off 41 balls with 5 SIXES & 6 FOURS ✨#PAKvUSA | #T20WorldCup | #BackTheBoysInGreen | #WeHaveWeWill pic.twitter.com/14KSAsf0Mp
— Pakistan Cricket (@TheRealPCB) February 10, 2026
صاحبزادہ فرحان نے ذمہ دارانہ بیٹنگ کا مظاہرہ کرتے ہوئے 41 گیندوں پر 43 رنز کی شاندار اننگز کھیلی، ان کی اننگز میں 5 چھکے اور 6 چوکے بھی شامل ہیں۔
واضح رہے کہ گروپ اے کے اس میچ میں امریکی کپتان مونانک پٹیل نے ٹاس جیت کر پاکستان کو پہلے بیٹنگ کی دعوت دی تھی۔
اس سے قبل پاکستان نے گروپ مرحلے کے پہلے میچ میں نیدرلینڈ کو شکست دی تھی۔
پاکستان اب گروپ مرحلے کا اہم میچ 15 فروری کو سری لنکا میں بھارت کے خلاف کھیلے گا۔
اس سے قبل پاکستان نے بھارت کے خلاف میچ کا بائیکاٹ کیا تھا، تاہم آئی سی سی سے مذاکرات کے بعد حکومت نے قومی کرکٹ ٹیم کو بھارت کے خلاف میچ کھیلنے کی اجازت دے دی۔
