جاپان کے شہنشاہ ناروہیتو کی 66ویں سالگرہ کے موقع پر، جاپان کے سفیر محترم اکاماتسو شوئیچی نے 10 فروری 2026 کو سیرینا ہوٹل میں ایک ریسیپشن کا اہتمام کیا۔ اس موقع پر صدر پاکستان محترم آصف علی زرداری اور دیگر معزز شخصیات نے شرکت کی۔
مزید پڑھیں: ٹیکن لیجنڈ ارسلان ایش اعلیٰ سطحی تربیت کے لیے جاپان منتقل، عالمی مقابلوں پر نظریں
سفیر اکاماتسو نے خوش آمدید کہا اور اس بات کا اظہار کیا کہ وہ شہنشاہ کی سالگرہ کو اسلام آباد میں صدر زرداری اور دیگر مہمانوں کے ساتھ منانے پر خوش ہیں۔ انہوں نے جاپان میں حالیہ سیاسی حالات، پارلیمانی انتخابات اور وزیراعظم تاکاچی کی قیادت میں حکمران پارٹی کے مضبوط مینڈیٹ پر بھی روشنی ڈالی۔
سفیر نے پاکستان اور جاپان کے تعلقات پر بھی بات کی، جس میں او ساکا کانسائی ایکسپو 2025 میں پاکستان پویلین کی کامیاب نمائش اور حاصل کردہ ایوارڈز کا ذکر کیا۔
انہوں نے آئندہ سال کے لیے 3 اہم نکات پر بات کی کہ عوامی تعلقات اور تبادلوں کو بڑھانا، جیسے کہ ایشین گیمز اور ایشین پیرا گیمز، اقتصادی تعاون اور تکنیکی و ہنر مندی میں شراکت داری، جاپانی کھانوں کی تشہیر، جیسے سوشی، ٹیمپورا اور ویگیو بیف وغیرہ
جاپانی سفیر نے اسلام آباد میں مسجد پر حالیہ دہشتگرد حملے کے متاثرین کے لیے افسوس کا اظہار کیا اور زخمیوں کی جلد صحتیابی کی دعا کی۔ انہوں نے جاپان کی حکومت کی جانب سے دہشتگردی کے ہر اقدام کی سخت مذمت بھی کی۔
مزید پڑھیں:جاپان میں عام انتخابات کے بعد ایشیائی منڈیوں میں ’ین‘ مضبوط
تقریب میں خصوصی طور پر جاپانی ویگیو بیف پیش کیا گیا اور جاپانی روایتی فنون ایکیبانہ اور بونسی کی نمائش بھی کی گئی، ساتھ ہی ٹویوٹا، سوزوکی، ہونڈا، ہینو، ایدیمیتسو، سوجٹز اور کمون جیسی کمپنیوں کے ڈسپلے بھی شامل تھے۔
