وزیراعلیٰ پنجاب مریم نواز شریف نے آلو کے کاشتکاروں کی مشکلات کے ازالے اور ان کے منافع میں اضافے کے لیے وزیراعظم محمد شہباز شریف کو خط لکھا ہے۔
مزید پڑھیں: آلو کی پیداوار: پاکستان 10 بڑے ممالک میں شامل ہوگیا
وزیراعلیٰ کے خط میں آلو کی برآمدات بڑھانے کے لیے فوری اقدامات پر زور دیا گیا ہے اور نیشنل لاجسٹک کارپوریشن (این ایل سی) کے ذریعے برآمدات میں تیزی لانے کی درخواست بھی کی گئی۔
اس کے علاوہ برآمد میں حائل رکاوٹوں کو دور کرنے اور کرائے کی لاگت پر 25 فیصد خصوصی رعایت دینے کی اپیل کی گئی ہے۔
مریم نواز شریف نے برآمدات کے عمل میں کاغذی کارروائی میں نرمی کرنے کی بھی درخواست کی اور یورپی یونین، افریقہ اور امریکا سمیت عالمی منڈیوں تک رسائی کے لیے دیگر ضروری اقدامات کی سفارش کی۔
مزید پڑھیں: آلو اگانے والے پنجابی کسان دیوالیہ ہونے کے قریب، حکومت سے سبسڈی کا مطالبہ
وزیراعلیٰ پنجاب کے اس اقدام سے کاشتکاروں کو آلو کی بہتر قیمتیں حاصل ہونے کی امید ہے اور ملکی زرعی پیداوار کے فروغ میں مدد ملے گی۔
