سابق بھارتی اسپنر ہربھجن سنگھ نے پاکستانی اسپنر عثمان طارق کے بارے میں بھارتی بلے بازوں کو خبردار کیا ہے۔
ہربھجن کے مطابق عثمان طارق کا کھیل مضبوط ہے اور بھارتی بیٹرز کو ان کے خلاف محتاط رہنا ہوگا، کیونکہ میچ کے دوران ان کا کردار فیصلہ کن ثابت ہو سکتا ہے۔
مزید پڑھیں: آئی سی سی ٹی20 ورلڈکپ: اگر پاک بھارت میچ بارش کے باعث منسوخ ہوگیا تو کیا ہوگا؟
انہوں نے مزید کہاکہ بھارتی ٹیم کو پاکستان کے خلاف دباؤ میں نہیں آنا چاہیے۔
دوسری جانب کرکٹ کے لیجنڈ سنیل گواسکر نے بتایا کہ جہاں میچ کھیلا جا رہا ہے، وہاں کی باؤنڈریز کافی لمبی ہیں، اور اگر درمیان کی پچ ملتی ہے تو دونوں ٹیموں کے لیے کھیل برابر ہوگا۔
سنیل گواسکر کا کہنا تھا کہ بھارت کو ابرار کے خلاف کھیلتے ہوئے زیادہ مشکلات پیش نہیں آئیں گی، جبکہ عثمان طارق نئے کھلاڑی ہیں مگر ان سے کوئی بڑی پریشانی متوقع نہیں۔
انہوں نے یہ بھی کہا کہ اگر گیند زیادہ گھومے تو کسی بھی بلے باز کے لیے مشکل ہو سکتی ہے۔
اس سے قبل پاکستان کے سابق ٹیسٹ کرکٹر باسط علی نے رائے دی تھی کہ میچ کے شروع ہونے سے پہلے ہی عثمان طارق کے حوالے سے زیادہ ہنگامہ پیدا کیا گیا ہے، اور بھارتی ٹیم کو ان سے پہلے ہی خوف محسوس ہو رہا ہے۔
مزید پڑھیں: پریماداسا اسٹیڈیم میں پاکستان نے اب تک کتنے ٹی20 میچز کھیلے اور نتائج کیا رہے؟
واضح رہے کہ پاکستان اور بھارت کے درمیان ٹی20 ورلڈ کپ کا میچ 15 فروری کو شام 7 بجے کھیلا جائےگا۔
