پاکستان کرکٹ کے ماضی کے نامور کھلاڑیوں نے سابق وزیراعظم عمران خان کی صحت سے متعلق خبروں پر گہری تشویش کا اظہار کرتے ہوئے حکام سے مطالبہ کیا ہے کہ انہیں بہترین ممکنہ طبی سہولیات فراہم کی جائیں۔
یہ بھی پڑھیں: عمران خان کی سزا معطل کرکے ضمانت پر رہا کیا جائے، اسلام آباد ہائیکورٹ میں درخواست دائر
سابق کپتان وسیم اکرم نے کہا ہے کہ عمران خان کے صحت کے مسائل سن کر دل دکھتا ہے، اور امید ہے کہ حکام اس معاملے کو سنجیدگی سے لیں گے۔ انہوں نے عمران خان کے لیے طاقت، جلد صحت یابی اور مکمل صحت کی طرف واپسی کی دعا بھی کی۔
It is heartbreaking to hear our skipper Imran Khan going through health issues. I sincerely hope the authorities take this seriously and ensure he receives the best possible medical care. Wishing him strength, a speedy recovery, and a full return to good health. possible medical…
— Wasim Akram (@wasimakramlive) February 14, 2026
پاکستان کے اسٹار کرکٹر شاہد آفریدی کا کہنا ہے کہ عمران خان کی صحت اور علاج ان کا بنیادی حق ہے اور یہ سہولت ہر صورت فراہم کی جانی چاہیے۔ ان کا کہنا تھا کہ کرکٹ سے متعلق امور پر بحرین کے شیخ ناصر سے ملاقات بھی ہوئی جس میں بحرین میں کرکٹ کے فروغ پر بات چیت کی گئی۔
#Pakistan's star cricketer @SAfridiOfficial says former PM @ImranKhanPTI's health and treatment is his basic right and should be provisioned, he met the Bahrain's Sheikh Nasser on ways to develop cricket in Bahrain. pic.twitter.com/QwkwuNDNsa
— Anas Mallick (@AnasMallick) February 14, 2026
سابق فاسٹ بولر شعیب اختر نے بتایا کہ گزشتہ 3 ماہ سے وہ امریکا میں عمران خان کے شوکت خانم کینسر اسپتال کے لیے فنڈز اکٹھے کررہے ہیں۔ انہوں نے عمران خان کی ایک آنکھ کی بینائی متاثر ہونے کی خبروں پر افسوس کا اظہار کرتے ہوئے کہا کہ وہ دعا گو ہیں کہ عمران خان کو بہترین علاج ملے اور وہ جلد صحتیاب ہوں۔ شعیب اختر کے مطابق سیاست اور اختلافات سے بالاتر ہو کر یہ ایک انسانی اپیل ہے۔
The last 3 months I’ve been raising funds in USA for Imran Khan’s Shaukat Khanum Cancer Hospital.
I’m deeply saddened to hear the news of him losing vision in his eye. I hope he gets the best treatment and I’m wishing him a speedy recovery.
— Shoaib Akhtar (@shoaib100mph) February 14, 2026
اسی حوالے سے سابق کپتان یونس خان نے بھی کہا کہ عمران خان پاکستان کو 1992 کے ورلڈ کپ میں تاریخی فتح دلانے والے لیڈر رہے اور آج انہیں فوری طبی توجہ کی ضرورت ہے۔ انہوں نے زور دیا کہ انسانیت اور قومی ہیروز کا احترام ہر چیز سے پہلے ہونا چاہیے۔
View this post on Instagram
سابق کپتان وقار یونس نے کہا ہے کہ سیاست کو ایک طرف رکھ کر، ہمارا قومی ہیرو جس نے ہمیں کھیل کے میدان میں سب سے بڑی خوشی دی، جس کا کینسر اسپتال ہزاروں لوگوں کے لیے مددگار ثابت ہوا، جن میں میری اپنی والدہ بھی شامل ہیں، آج ایک طبی ایمرجنسی سے گزررہا ہے اور اسے فوری علاج کی ضرورت ہے۔
انہوں نے کہا ’میں عاجزی کے ساتھ متعلقہ حکام سے درخواست کرتا ہوں کہ عمران خان کو بروقت اور مناسب علاج فراہم کیا جائے، جلد صحت یاب ہوں کپتان، آپ کے لیے مکمل اور تیز صحتیابی کی دعا۔‘
Putting politics aside,our national hero who gave us our greatest glory on the sporting field,cancer hospital helped so many, including my own mother,is suffering a health emergency and requires urgent treatment.I humbly request the related authorities he gets the appropriate…
— Waqar Younis (@waqyounis99) February 14, 2026
