چیئرمین پاکستان کرکٹ بورڈ (پی سی بی) محسن نقوی کے اعزاز میں سری لنکا کرکٹ کی جانب سے ایک خصوصی تقریب کا انعقاد کیا گیا، جس میں دونوں ممالک کے کرکٹ تعلقات کو مضبوط بنانے کے مقصد پر زور دیا گیا۔
مزید پڑھیں: کولمبو میں چیئرمین پی سی بی محسن نقوی کی قومی ٹیم سے ملاقات، کھلاڑیوں کا حوصلہ بلند
اس موقع پر محسن نقوی کی سری لنکا کرکٹ کے صدر اور دیگر اعلیٰ عہدیداران سے ملاقات ہوئی۔
کولمبو۔ چئیرمین پاکستان کرکٹ بورڈ محسن نقوی کے اعزاز میں سری لنکا کرکٹ کی جانب سے خصوصی تقریب
سری لنکا کرکٹ کامحسن نقوی کو کھیل کے فروغ کیلئے گراں قدر خدمات پر خراج تحسین
چئیرمین پی سی بی محسن نقوی سے سری لنکا کرکٹ کے صدر شامئے سلوا اور دیگر اعلی عہدیداران کی ملاقات
سری لنکن… pic.twitter.com/QpfJihZoxb
— Pakistan Cricket (@TheRealPCB) February 15, 2026
تقریب میں سری لنکن وزیر کھیل سنیل سناوی اور سیکرٹری دفاع بھی شریک ہوئے جبکہ چیف ایگزیکٹو آفیسر سری لنکا کرکٹ ایشلے ڈی سلوا، سجیوا گوڈالیاڈا اور دیگر حکام بھی موجود تھے۔
تقریب کے دوران سری لنکا کرکٹ نے محسن نقوی کی کھیل کے فروغ کے لیے خدمات کو سراہا اور ان کے اعزاز میں خراج تحسین پیش کیا۔
دونوں بورڈز نے اس موقع پر کرکٹ کے فروغ کے لیے باہمی تعاون بڑھانے کے عزم کا اعادہ بھی کیا۔
چیئرمین پی سی بی محسن نقوی نے کہاکہ کرکٹ صرف کھیل نہیں بلکہ محبت اور قربتیں بڑھانے کا ذریعہ بھی ہے، اور کولمبو آ کر انہیں بہت خوشی ہوئی۔ انہوں نے شاندار مہمان نوازی پر سری لنکا کرکٹ کا بھی شکریہ ادا کیا۔
مزید پڑھیں: ٹیم فارم میں ہے، نتیجہ بھی بہتر ہی نکلے گا، کولمبو پہنچنے پر محسن نقوی کی میڈیا سے بات چیت
واضح رہے کہ چیئرمین پی سی بی محسن نقوی پاک بھارت میچ دیکھنے کے لیے سری لنکا میں موجود ہیں۔
