پاکستان کے صوبہ سندھ کے علاقوں حیدر آباد، جامشورو اور گرد و نواح میں طوفانی بارش اور ژالہ باری ہوئی ہے جس سے لوگوں کی املاک کو نقصان ہوا ہے اور اب تک کی اطلاعات کے مطابق ایک گھر کی دیوار گرنے سے 3 بچے جاں بحق ہو گئے ہیں۔
جب آسمان سے آدھا آدھا کلو کے اولے گریں گے تو تباہی تو ہوگی ہی۔
حیدرآباد سے دلخریب مناظر … اولے اور ان کا سائز روز بہ روز بڑھتا جارہا ہے۔ 😓😳⛈️
Weather Updates PK 2.0 – Jawad Memon / Pakistan Doppler (Former Karachi Doppler) pic.twitter.com/SYXx8nBXi9— Weather Updates PK (@WeatherWupk) May 30, 2023
حیدر آباد میں جب تیز ہوائیں چلنا شروع ہوئیں تو اس سے کئی مقامات پر بجلی کی تاریں ٹوٹ گئیں جبکہ ایک مقام پر درخت کار پر گر گیا۔
تیز بارش اور ژالہ باری کے باعث کوٹری خدا کی بستی میں گھر کی دیوار گر گئی جس سے 3 بچے جاں بحق ہو گئے جبکہ 5 افراد اس حادثے میں زخمی بھی ہوئے۔
ژالہ باری کے بڑے اولے پڑنے سے شہریوں کی باہر کھڑی گاڑیوں کی ونڈ اسکرینیں ٹوٹ گئیں جبکہ چھتوں پر رکھے گئے فائبر کے ٹینکوں کو بھی ان اولوں نے نقصان پہنچایا ہے۔
— Weather Updates PK (@WeatherWupk) May 30, 2023
سوشل میڈیا پر مختلف تصاویر گردش کر رہی ہیں جن میں دیکھا جا سکتا ہے کہ ٹینس گیند جتنے ژالہ باری کے اولے پڑے ہیں اور لوگ اس صورت حال سے خوف کا شکار بھی نظر آئے ہیں۔
