وزیر دفاع خواجہ آصف نے کہا ہے کہ وزیراعلیٰ خیبر پختونخوا کی جانب سے رہائی فورس کے قیام کا اعلان اپنی نوکری بچانے کی کوشش ہے اور یہ اقدام غیر آئینی اور غیر قانونی ہے۔
یہ بھی پڑھیں: پی ٹی آئی قیادت، رشتے دار اور سوشل میڈیا کے جہادی عمران خان کی رہائی نہیں چاہتے، خواجہ آصف
اپنے بیان میں خواجہ آصف نے کہا کہ وفاقی حکومت کے علاوہ کسی اور کو فورس بنانے کا اختیار حاصل نہیں، اس لیے اس نوعیت کی کسی بھی فورس کا قیام آئین اور قانون کے خلاف ہے۔
واضح رہے کہ گزشتہ روز وزیراعلیٰ خیبر پختونخوا سہیل آفریدی نے اسلام آباد میں سپریم کورٹ کے باہر میڈیا سے گفتگو کرتے ہوئے بانی پی ٹی آئی کی ہدایت پر رہائی فورس بنانے کا اعلان کیا تھا۔ ان کا کہنا تھا کہ انہیں اسٹریٹ موومنٹ کی ذمہ داری دی گئی ہے اور رہائی فورس پرامن جدوجہد کرے گی۔
یہ بھی پڑھیں: وزیر دفاع خواجہ آصف کی محمود اچکزئی پر تنقید، فوج سے متعلق بیان کو غیر ذمہ دارانہ قرار دیدیا
سہیل آفریدی نے مزید کہا تھا کہ فورس کی باقاعدہ رجسٹریشن کی جائے گی اور عید کے فوراً بعد پشاور میں اس کے ارکان سے حلف لیا جائے گا۔ انہوں نے بتایا کہ فورس کا باقاعدہ چین آف کمانڈ ہوگا اور بانی پی ٹی آئی جس شخص کو ذمہ داری دیں گے وہ اس فورس کی قیادت کرے گا۔
