بھارت کے صوبے اڑیسہ میں نئی نویلی دلہن کو سابق عاشق نے اسلحے کے زور پر اغوا کرلیا۔
مزید پڑھیں: بھارت: دولہا کا عجیب ترین عمل جس پر دلہن نے شادی سے منع کردیا
بھارتی میڈیا رپورٹس کے مطابق اتوار کی صبح ایک نئی شادی شدہ خاتون کو مبینہ طور پر اس کے سابق عاشق نے بندوق کے زور پر اغوا کر لیا، جب وہ اپنے شوہر کے ہمراہ شادی کی تقریب کے بعد گھر واپس جا رہی تھی۔
شادی کے رسم و رواج کے اختتام کے بعد دلہا، دلہن اور خاندان کے دیگر افراد واپس گھر جا رہے تھے کہ ان کی گاڑی کو راستے میں روک لیا گیا۔
اطلاعات کے مطابق ملزم جو 2 دیگر افراد کے ساتھ موجود تھا، نے دلہے کو بندوق کے زور پر دھمکی دی اور زبردستی دلہن کو اپنی گاڑی میں بٹھا کر فرار ہو گیا۔ اس دوران دلہا اور اس کے ساتھی بے بس اور لاچار رہ گئے۔
اس واقعے کے بعد دلہا پولیس اسٹیشن پہنچ گیا اور شکایت درج کرائی، جس میں انہوں نے کہا کہ انہیں بندوق کے زور پر روکا گیا جبکہ ان کی بیوی کو اغوا کر لیا گیا ہے۔
مزید پڑھیں: ’ہنی مون مرڈر‘ نئی دلہن نے شوہر کو اپنے سابق بوائے فرینڈ کی مدد سے قتل کردیا
پولیس کے مطابق واقعے کی رپورٹ درج کرکے مزید تحقیقات شروع کردی گئی ہیں، اور ملزم کو پکڑ کر خاتون کو بازیاب کرانے کے لیے اقدامات جاری ہیں۔
