ایک سال کے دوران بجلی تقسیم کار کمپنیوں کی ناقص کارکردگی کے باعث قومی خزانے کو 472 ارب روپے کا بھاری نقصان برداشت کرنا پڑا۔
یہ بھی پڑھیں: آئی پی پیز سے نظرثانی معاہدوں کی منظوری، صارفین کو سالانہ کتنے کھرب روپوں کی بچت ہوگی؟
نیشنل الیکٹرک پاور ریگولیٹری اتھارٹی نیپرا نے مالی سال 25-2024 کے لیے بجلی تقسیم کار کمپنیوں کی کارکردگی رپورٹ جاری کر دی ہے۔ رپورٹ کے مطابق نقصانات کی بڑی وجوہات ترسیل و تقسیم میں کمی اور بلوں کی کم وصولی رہیں۔
اعداد و شمار کے مطابق ترسیل اور تقسیم کے نقصانات کی مد میں 265 ارب روپے جبکہ بلوں کی کم وصولی کے باعث 207 ارب روپے کا خسارہ ہوا۔ اس طرح مجموعی طور پر 472 ارب روپے کا نقصان قومی خزانے پر بوجھ بنا۔
یہ بھی پڑھیں: 2 ماہ میں بجلی کی تقسیم کار کمپنیاں صوبوں کے سپرد کرنے کا فیصلہ
رپورٹ میں بتایا گیا ہے کہ تقسیم کار کمپنیاں ترسیل و تقسیم کے نقصانات کا مقررہ ہدف حاصل کرنے میں ناکام رہیں۔ نیپرا نے بڑھتے ہوئے نقصانات اور کم وصولیوں پر گہری تشویش کا اظہار کرتے ہوئے بہتری کے لیے مؤثر اقدامات کی ضرورت پر زور دیا ہے۔
