وفاقی سیکریٹری مذہبی امور و بین المذاہب ہم آہنگی ڈاکٹر ساجد محمود چوہان کی زیر صدارت اعلیٰ سطح اجلاس منعقد ہوا، جس میں رمضان المبارک کے آخری عشرے میں منعقد ہونے والی روایتی اور پروقار تقریب ’محفلِ شبینہ‘ کے انتظامات کا تفصیلی جائزہ لیا گیا۔
مزید پڑھیں:وزارتِ مذہبی امور کے زیر اہتمام فیصل مسجد میں قومی محفل شبینہ کی تیاریاں مکمل
اجلاس میں ضلعی انتظامیہ، پولیس اور دیگر متعلقہ اداروں کے نمائندوں نے شرکت کی اور فول پروف سیکیورٹی سمیت انتظامات کی مکمل ادائیگی کے عزم کا اعادہ کیا۔
مزید پڑھیں:وزارت مذہبی امور نے عازمین حج کے لیے بائیو میٹرک کی ڈیڈ لائن دیدی
وفاقی سیکریٹری نے ہدایت کی کہ تقریب کے کامیاب انعقاد کے لیے تمام وسائل بروئے کار لائے جائیں اور تیاریوں کو مقررہ وقت پر مکمل کیا جائے۔ محفلِ شبینہ کی یہ روایت مذہبی جوش و جذبے کے ساتھ برقرار رکھی جائے تاکہ عوام الناس اس بابرکت عشرے کی سعادتوں سے بھرپور استفادہ کر سکیں۔
