بلوچستان کے ضلع ژوب میں 24 فروری 2026 کو انٹیلیجنس کی بنیاد پر کارروائی میں 8بھارتی حمایت یافتہ خوارج کو کامیابی کے ساتھ ٹھکانے لگانے کے بعد سیکورٹی فورسز نے اس کے اگلے روز ضلعے کو دہشتگردوں سے مزید پاک کرنے کے لیے صفائی آپریشن کیا۔
یہ بھی پڑھیں: ڈی آئی خان: گنڈاپور گروپ کے 4 فتنہ الخوارج دہشتگرد ہلاک، سیکیورٹی فورسز کا کامیاب آپریشن
اس کلینزنگ آپریشن کا مقصد بھارتی پروکسی گروپ فتنہ الخوارج کے چھپے ہوئے دہشتگردوں کو گرفتار کرنا تھا۔
آپریشن کے دوران فورسز نے خوارج کے متعدد راستوں کا تعاقب کیا اور ان کے ٹھکانوں پر مؤثر کارروائی کی۔
فائرنگ کے تبادلے کے بعد 10 بھارتی حمایت یافتہ خوارج مارے گئے۔
مزید پڑھیے: بنوں: فورسز کے قافلے پر فتنہ الخوارج کا حملہ، لیفٹیننٹ کرنل اور سپاہی شہید
آپریشن کے دوران خوارج سے ہتھیار، گولہ بارود اور دھماکہ خیز مواد بھی برآمد کیا گیا جو علاقے میں متعدد دہشتگرد سرگرمیوں میں ملوث تھے۔
سیکیورٹی فورسز علاقے میں کسی بھی دیگر بھارتی حمایت یافتہ دہشتگرد کو ختم کرنے کے لیے صفائی کے مزید اقدامات کر رہی ہیں۔
پاکستان کی سیکیورٹی فورسز اور قانون نافذ کرنے والے ادارے ’عزمِ استحکام‘ کے وژن کے تحت جاری کاؤنٹر ٹیررازم مہم کو مکمل عزم کے ساتھ جاری رکھیں گے تاکہ ملک سے غیر ملکی حمایت یافتہ دہشتگردی کے خطرے کو جڑ سے ختم کیا جا سکے۔
