معروف ہالی ووڈ اداکار جم کیری کی ’کلوننگ‘ کا شور کیوں؟

معروف ہالی ووڈ اداکار جم کیری کی حالیہ عوامی تقریب میں شرکت کے بعد سوشل میڈیا پر ان سے متعلق مختلف قیاس آرائیاں زیرِ گردش ہیں جس کا محور 1994 کی فلم ’ماسک‘ سے شہرت کی بلندیوں کو چھونے والے اداکار کی مبینہ کلوننگ ہے۔

تقریب کے بعد سوشل میڈیا پلیٹ فارمز پر مختلف ویڈیوز اور تصاویر وائرل ہوئیں جن میں اداکار مداحوں سے ملاقات اور آٹوگراف دیتے دکھائی دیے۔ اسی دوران ایک شخص نے ان سے سوال کیا کہ آیا وہ حقیقی جم کیری ہیں یا نہیں۔ اداکار نے اس سوال پر کسی ردِعمل کے بغیر مداحوں سے ملاقات کا سلسلہ جاری رکھا۔

@academiedescesar Jim Carrey recevra le César d’Honneur ce soir 🤩 #César2026 ♬ origineel geluid – Samantha Feeke ☆

سوشل میڈیا پر بعض صارفین نے ان کی ظاہری شکل میں تبدیلی سے متعلق قیاس آرائیاں کیں جن میں چہرے کے خدوخال اور آنکھوں کے رنگ سے متعلق دعوے شامل تھے کہ وہ تبدیل ہیں اور بالکل بھی ویسے نہیں دکھتے جیسے وہ نظر آتے تھے۔

@vanityfairfrance Jim Carrey s’est longtemps préparé pour faire son discours en français sur la scène des César ce soir ! #jimcarrey #césar2026 ♬ son original – Vanity Fair France

 چند پوسٹس میں یہ دعوے بھی کیے گئے کہ اداکار کو تبدیل یا ان کی ’کلوننگ‘ کر دی گئی ہے۔ ایک صارف نے لکھا کہ یہ جم کیری نہیں ہیں جبکہ دیگر نے دعویٰ کیا کہ جم کیری اب نہیں رہے اور یہ کہ ویڈیوز میں نظر آنے والا شخص نہ ان جیسا دکھتا ہے نہ بولتا ہے اور نہ ہی حرکت کرتا ہے۔

دوسری طرف چند صارفین نے رائے دی کہ برسوں تک منظرِ عام سے دور رہنے کے باعث شاید لوگ ان کی شکل بھول گئے ہوں یا ممکن ہے انہوں نے پلاسٹک سرجری کروائی ہو۔ ایک اور صارف نے لکھا کہ شاید انہوں نے چہرے پر کافی کام کروایا ہے وہ بہت مختلف لگ رہے ہیں۔

یاد رہے کہ اداکار نے حالیہ برسوں میں فلمی سرگرمیوں میں کمی کی ہے، تاہم انہوں نے مستقبل میں ممکنہ منصوبوں میں شرکت کا عندیہ دیا ہے، جن میں Sonic the Hedgehog 4 بھی شامل ہے، جس کی نمائش 2027 میں متوقع ہے۔