پاکستان کرکٹ بورڈ نے قومی ٹیسٹ ٹیم کے ہیڈ کوچ کے عہدے کے لیے سابق کپتان سرفراز احمد کو ذمہ داریاں سونپنے کا فیصلہ کر لیا ہے۔ ذرائع کے مطابق تقرری کا باضابطہ اعلان جلد متوقع ہے۔
میڈیا رپورٹس کے مطابق سرفراز احمد بنگلادیش کے خلاف آئندہ ٹیسٹ سیریز سے اپنی ذمہ داریاں سنبھالیں گے۔ یاد رہے کہ پاکستان ٹیسٹ ٹیم کے ہیڈ کوچ کا عہدہ کچھ عرصے سے خالی تھا جبکہ جنوبی افریقا کے خلاف سیریز میں اظہر محمود نے عبوری ہیڈ کوچ کے طور پر فرائض انجام دیے تھے۔
یہ بھی پڑھیں: سرفراز احمد کی دلچسپ پوڈکاسٹ: شادی، لفٹ اور بھابھی کے مزے دار لمحات
پاکستان اور بنگلادیش کے درمیان 2 ٹیسٹ میچوں پر مشتمل سیریز مئی میں کھیلی جائے گی جو آئی سی سی ورلڈ ٹیسٹ چیمپئن شپ 2027 کا حصہ ہے۔ دونوں ٹیموں کے درمیان پہلا ٹیسٹ میچ 8 مئی سے جبکہ دوسرا ٹیسٹ 16 مئی سے شروع ہوگا۔
