اسلامی امور، دعوت و ارشاد کی سعودی وزارت نے جمہوریہ برکینا فاسو میں خادم الحرمین الشریفین کی جانب سے کھجوروں کی تقسیم کے پروگرام پر عمل درآمد کیا۔
یہ بھی پڑھیں: رمضان کی آمد، کوئٹہ میں پنجگور کی کھجوروں کی مانگ میں نمایاں اضافہ
اس موقع پر سعودی سفارت خانے میں ایک تقریب منعقد ہوئی جس میں برکینا فاسو میں خادم الحرمین الشریفین کے سفیر سعد بن مسفر المیمونی اور متعدد اسلامی وعلمی شخصیات نے شرکت کی۔
اس پروگرام کے تحت اعلیٰ معیار کی 5 ٹن کھجوریں تقسیم کی جائیں گی جن سے ملک کے مختلف علاقوں میں تقریبا 20 ہزار مستحق افراد، خاندانوں اور اسلامی اداروں کو فائدہ پہنچے گا۔
مزید پڑھیے: سعودی عرب: رمضان میں کھجوروں کی طلب میں اضافہ
واضح رہے کہ وزارت اسلامی امور ہر سال ماہِ رمضان کے دوران خادم الحرمین الشریفین کے تحفے کے طور پر کھجوروں کی تقسیم کا یہ پروگرام دنیا کے 120 ممالک میں نافذ کرتی ہے جس کا مقصد اسلام اور مسلمانوں کی خدمت کے ساتھ ساتھ اسلامی معاشروں میں باہمی تعاون، ہمدردی اور اخوت کے اقدار کو فروغ دینا ہے۔
