وزیرِاعظم شہباز شریف نے پیٹرولیم مصنوعات کی قیمتوں میں ہفتہ وار بنیادوں پر ردوبدل کی تجویز کی منظوری دے دی۔
یہ بھی پڑھیں: حامد یعقوب شیخ سیکریٹری پیٹرولیم ڈویژن تعینات
یہ فیصلہ پیٹرولیم مصنوعات کے ذخائر اور ان کی کھپت سے متعلق منعقدہ ایک اہم اجلاس میں کیا گیا جس میں وزیر خزانہ نے وزیر اعظم کو تفصیلی بریفنگ دی۔
میڈیا رپورٹس کے مطابق پیٹرولیم مصنوعات کی قیمتوں کے تعین سے متعلق سمری پہلے اقتصادی رابطہ کمیٹی (ای سی سی) سے منظور کرائی جائے گ، جس کے بعد اس کی حتمی منظوری وفاقی کابینہ دے گی۔
مزید پڑھیے: آبنائے ہرمز کی بندش: پیٹرولیم سپلائی کی صورتحال اور ہنگامی منصوبہ بندی سے متعلق ان کیمرا بریفنگ طلب
حکام کا کہنا ہے کہ ان اقدامات سے ایندھن کے ذخائر کے مؤثر استعمال کو یقینی بنایا جا سکے گا اور طلب میں بھی کمی لانے میں مدد ملے گی۔
اجلاس کے دوران وزیرِاعظم نے وزیرِ خزانہ محمد اورنگزیب کو ہدایت کی کہ صوبوں سے مشاورت کے بعد ورک فرام ہوم اور آن لائن کام کے حوالے سے سفارشات تیار کر کے پیر کے روز پیش کی جائیں۔
مزید پڑھیں: ملک میں پیٹرولیم مصنوعات کی کوئی قلت نہیں، وزیر خزانہ محمد اورنگزیب نے واضح کردیا
مزید برآں وزیر خزانہ آج اقتصادی رابطہ کمیٹی کے اجلاس میں پیٹرولیم مصنوعات کی قیمتوں کے تعین کی مدت سے متعلق منظوری حاصل کریں گے۔
