احمد آباد کے بھرے ہوئے نریندر مودی اسٹیڈیم میں آج ٹی20 ورلڈ کپ کا بڑا معرکہ سجنے جا رہا ہے جہاں دفاعی چیمپیئن بھارت اور نیوزی لینڈ کی ٹیمیں ٹائٹل کے لیے مدمقابل ہوں گی۔ ایک لاکھ سے زائد شائقین اسٹیڈیم میں موجود ہوں گے جبکہ کروڑوں شائقین ٹی وی اسکرینوں پر یہ مقابلہ دیکھیں گے۔
مزید پڑھیں:ٹی20 ورلڈ کپ کے بعد واپسی میں تاخیر پر آئی سی سی پر تنقید، ٹیموں سے یکساں سلوک نہ کرنے کا الزام
بھارت کی قیادت سوریا کمار یادو کر رہے ہیں اور میزبان ٹیم کی نظریں تاریخ رقم کرنے پر ہیں۔ اگر بھارت کامیاب ہو جاتا ہے تو وہ تیسری بار ٹی20 ورلڈ کپ جیتنے والی پہلی ٹیم بن جائے گا اور ساتھ ہی مسلسل 2 مرتبہ ٹائٹل اپنے نام کرنے کا اعزاز بھی حاصل کرے گا۔
From one #TeamIndia that clinched a World Cup at home 🙌
To the other going for 𝗪𝗼𝗿𝗹𝗱 𝗖𝘂𝗽 𝗴𝗹𝗼𝗿𝘆 at home tonight 🏆
🎥 From the #WomenInBlue to the #MenInBlue 💙 🇮🇳#T20WorldCup | #Final pic.twitter.com/MRq4Kl92gF
— BCCI Women (@BCCIWomen) March 8, 2026
دوسری جانب نیوزی لینڈ بھی بھرپور اعتماد کے ساتھ میدان میں اترے گی۔ سیمی فائنل میں فن ایلن کی 33 گیندوں پر ریکارڈ سینچری کی بدولت کیویز نے جنوبی افریقہ کو 9 وکٹوں سے شکست دے کر فائنل تک رسائی حاصل کی۔ کپتان مچل سینٹنر کا کہنا ہے کہ اگر ٹیم اسی انداز میں کھیلی تو ایک اور بڑی ٹیم کو حیران کر سکتی ہے۔
مزید پڑھیں:ٹی20 ورلڈ کپ میں ناکامی، علیم ڈارقومی سلیکشن کمیٹی سے مستعفی
سوریا کمار یادو کا کہنا ہے کہ بھارت میں فائنل کھیلنے کا دباؤ ضرور ہے، لیکن ٹیم اور سپورٹ اسٹاف اس بڑے موقع کے لیے پُرجوش بھی ہیں۔ اب دیکھنا یہ ہے کہ کیا بھارت ہوم گراؤنڈ پر تاریخ رقم کرتا ہے یا نیوزی لینڈ پہلی بار ٹی20 ورلڈ کپ اپنے نام کرکے نئی داستان لکھتا ہے۔
