ایران کے صدر مسعود پزشکیان نے کہا ہے کہ ایران خطے کے دیگر ممالک کے ساتھ کسی تنازع میں شامل ہونے کا کوئی ارادہ نہیں رکھتا۔
مزید پڑھیں: ایران امریکی دباؤ کے آگے نہیں جھکے گا، صدر مسعود پزشکیان کا دوٹوک اعلان
ایرانی میڈیا کے مطابق، ایرانی صدر نے یہ بات وزیراعظم شہباز شریف سے ہونے والی گفتگو میں کہی۔ مسعود پزشکیان نے عالمی برادری پر زور دیا کہ اگر جنگ کے ذمہ داروں کی نشاندہی نہ کی گئی تو یہ عالمی نظام اور سیکیورٹی کے لیے سنگین خطرات پیدا کرسکتا ہے۔
مزید پڑھیں: پاکستان کے ساتھ قریبی تعلقات ایران کی خارجہ پالیسی کا اہم جزو ہے، ایرانی صدر مسعود پزشکیان
اس سے قبل وزیراعظم شہباز شریف نے ایران کے نومنتخب سپریم لیڈر مجتبیٰ خامنہ ای کو خط لکھ کر ان کی ذمہ داریاں سنبھالنے پر مبارکباد دی تھی۔ وزیراعظم نے اس موقع پر آیت اللہ خامنہ ای کی شہادت پر تعزیت کا اظہار کرتے ہوئے ایرانی عوام اور امت مسلمہ کے لیے پاکستانی عوام کی دعاؤں اور ہمدردی کا پیغام بھی بھیجا۔
