پی سی بی کے چیئرمین محسن نقوی نے قومی ٹیم کی سلیکشن کمیٹی کو بغیر کسی دباؤ کے فرائض سرانجام دینے کی ہدایت کی ہے۔
محسن نقوی نے لاہور میں سلیکشن کمیٹی کے اراکین مصباح الحق، سرفراز احمد، اسد شفیق اور عاقب جاوید سے ملاقات کی اور انہیں اپنے فرائض بغیر کسی دباؤ کے ایمانداری سے سرانجام دینے کی ہدایت دی۔
یہ بھی پڑھیے: پی سی بی نے ایچ بی ایل پی ایس ایل 2026 کے لیے میڈیا ایکریڈیٹیشن کی شرائط جاری کردیں
محسن نقوی نے کہا کہ کمیٹی کو کسی کی تنقید برائے تنقید کی پرواہ نہیں کرنی چاہیے اور وہ تمام فیصلے آزادانہ اور مکمل شفافیت کے ساتھ کرے۔ انہوں نے کمیٹی کے ممبران کو یقین دہانی کرائی کہ ان کی مکمل حمایت ہمیشہ ان کے ساتھ ہے۔
سلیکشن کمیٹی کے اراکین نے چیئرمین کی بھرپور اعتماد اور تعاون پر شکریہ ادا کیا اور کہا کہ وہ ٹیم کے بہترین مفاد میں ایمانداری اور پیشہ ورانہ انداز میں فیصلے کریں گے۔
