پاکستان اور بنگلہ دیش کے درمیان ون ڈے سیریز کے آخری اور فیصلہ کن میچ میں 2 کھلاڑیوں سعد مسعود اور غازی غوری نے ڈیبیو کیا ہے۔
کپتان شاہین آفریدی کے مطابق ٹیم کے 2 کھلاڑی شمائل حسین اور حسین طلعت انجری کے باعث میچ میں شامل نہیں ہو سکے، جبکہ پاکستان کی جانب سے غازی غوری اور سعد مسعود نے بین الاقوامی کرکٹ میں ڈیبیو کیا ہے۔
ڈیبیو کرنے والے کھلاڑیوں کو کیپ بھی دی گئی، حارث رؤف نے سعد مسعود جبکہ محمد رضوان نے غازی غوری کو ڈیبیو کیپ پیش کی۔
بنگلہ دیش کے خلاف تیسرے ایک روزہ میچ کے لیے پاکستان ٹیم میں صاحبزادہ فرحان، معاذ صداقت، غازی غوری، محمد رضوان، سلمان آغا، عبدالصمد، سعد مسعود، فہیم اشرف، شاہین آفریدی، حارث رؤف اور ابرار احمد شامل ہیں۔
واضح رہے کہ 3 میچوں پر مشتمل اس سیریز کے دوسرے ایک روزہ میچ میں پاکستان نے بنگلادیش کو ڈک ورتھ لوئیس طریقہ کار کے تحت 128 رنز سے شکست دی تھی، جبکہ پہلے میچ میں بنگلادیش نے کامیابی حاصل کی تھی۔
