اسلام آباد ہائیکورٹ نے عید کے چاند کا جلدی اعلان کرنے سے متعلق ہدایات جاری کرنے کی مناسبت سے شہری کی درخواست سماعت کے لیے مقرر کردی۔
درخواست گزار نے رویت ہلال کمیٹی کو ہدایت دینے کی استدعا کی ہے کہ عید کا چاند جلد از جلد اعلان کیا جائے تاکہ تراویح اور عید شاپنگ کے دوران انتظامی مسائل سے بچا جا سکے۔
درخواست میں موقف اختیار کیا گیا کہ چاند کے اعلان میں تاخیر سے لوگ تراویح پڑھ لیتے ہیں اور مارکیٹس میں اچانک رش بڑھ جاتا ہے، جس سے انتظامیہ کو لا اینڈ آرڈر کی صورتحال سے نمٹنے میں مشکلات پیش آتی ہیں۔ شہری نے عدالت سے استدعا کی ہے کہ عید کی خریداری کے دوران دکانوں کے علاوہ دیگر مارکیٹس بھی بند رکھنے کا حکم دیا جائے۔
چیف جسٹس سرفراز ڈوگر درخواست پر کل سماعت کریں گے۔ یاد رہے کہ ملک میں شوال کا چاند دیکھنے کے لیے مرکزی رویت ہلال کمیٹی کا اجلاس 19 مارچ کو ہوگا۔
