اسکردو میں کمانڈر ایف سی این اے کی زیرِ صدارت عمائدینِ علاقہ کے ساتھ اہم اجلاس میں اس عزم کا اعادہ کیا گیا کہ گلگت بلتستان کے پُرامن ماحول کو خراب کرنے کی کسی کو اجازت نہیں دی جائے گی، اور شرپسند عناصر کے خلاف سخت کارروائی کی جائے گی۔
پرامن احتجاج اور تشدد میں واضح فرق
اجلاس میں واضح کیا گیا کہ احتجاج ہر شہری کا آئینی حق ہے، تاہم اسے جلاؤ گھیراؤ اور تشدد میں تبدیل کرنا ناقابل قبول ہے اور ایسے عناصر قانون کی گرفت میں آئیں گے۔
ریاستی اداروں اور عوامی نمائندوں نے متفقہ طور پر فیصلہ کیا کہ امن خراب کرنے والوں کے خلاف بلاامتیاز کارروائی عمل میں لائی جائے گی، اور کسی کو قانون سے بالاتر نہیں سمجھا جائے گا۔
ریاست اور عوام ایک صفحے پر
اجلاس میں اس بات پر زور دیا گیا کہ ریاستی ادارے اور مقامی قیادت امن کے قیام اور استحکام کیلئے ایک صفحے پر کھڑے ہیں، اور کسی بھی سازش کو کامیاب نہیں ہونے دیا جائے گا۔
شرکاء نے کہا کہ گلگت بلتستان کی اصل شناخت امن، بھائی چارہ اور ترقی ہے، جس کے تحفظ کے لیے ہر ممکن اقدامات کیے جائیں گے۔
قانون حرکت میں آئے گا
واضح پیغام دیا گیا کہ جلاؤ گھیراؤ احتجاج نہیں بلکہ جرم ہے، اور جو بھی امن کو نقصان پہنچانے کی کوشش کرے گا، اسے قانون کا سامنا کرنا ہوگا۔
