قبائلی ضلعے اورکزئی کے گاؤں زوان سے تعلق رکھنے والی رابعہ بصری نے تمام تر مشکلات کے باوجود تعلیم حاصل کرکے ثابت کر دیا کہ عزم اور محنت سے ہر رکاوٹ عبور کی جا سکتی ہے۔
یہ بھی پڑھیں: بلوچستان کی باہمت خاتون جنہوں نے اپنی معذوری کو کمزوری نہیں بنایا
رابعہ اپنے علاقے کی واحد خاتون ہیں جنہوں نے گرلز اسکول نہ ہونے کے باعث روزانہ تقریباً 5 کلومیٹر پیدل چل کر بوائز اسکول جا کر اپنی تعلیم جاری رکھی۔
رابعہ کا کہنا ہے کہ قبائلی علاقوں میں لڑکیوں کی تعلیم کے لیے مزید سہولیات فراہم کی جائیں تاکہ دیگر لڑکیاں بھی تعلیم حاصل کر سکیں۔
انہوں نے وزیراعلیٰ خیبرپختونخوا سہیل آفریدی سے ملاقات کی درخواست کی تاکہ وہ انہیں فیمیل ایجوکیشن اور اس سے متعلق مسائل سے آگاہ کر سکیں۔
مزید پڑھیے: بلتستان میں پہلا بیوٹی سیلون چلانے والی خاتون فیشن برانڈ کی بانی بن گئیں
رابعہ نے مزید کہا کہ وہ مستقبل میں محنت اور تعلیم کے ذریعے اعلیٰ مقام حاصل کرنا چاہتی ہیں اور ان کا خواب ہے کہ ایک دن وہ وزیراعلیٰ بن کر اپنے علاقے اور خواتین کی خدمت کریں۔ مزید تفصیل جانیے محمد عامر اورکزئی کی اس ویڈیو رپورٹ میں۔
