گلگت بلتستان کے ضلع اسکردو سے تعلق رکھنے والی باہمت خاتون عینی جنہوں نے بلتستان میں پہلا بیوٹی سیلون کھولا، اب وہ ’گل خاتون‘ فیشن برانڈ کی بانی بن گئی ہیں۔
معاشرے میں رکاوٹوں کے باوجود بلتستان کا پہلا بیوٹی سیلون چلانے والی خاتون نے سینکڑوں خواتین کو ہنر سکھا کر بااختیار بنایا، اور اب ’گل خاتون‘ کے نام سے فیشن برانڈ بھی متعارف کرا دیا۔
روایتی اور قدامت پسند معاشرے میں کامیابی کا سفر آسان نہیں ہوتا، مگر اسکردو سے تعلق رکھنے والی باہمت خاتون عینی نے یہ کر دکھایا۔ وہ بلتستان کی پہلی خاتون ہیں جنہوں نے بیوٹی پارلر کا کاروبار نہ صرف شروع کیا بلکہ اسے کامیابی کی مثال بنا دیا۔ شروع میں انہیں شدید مخالفت اور سماجی دباؤ کا سامنا کرنا پڑا، مگر انہوں نے ہمت نہیں ہاری۔
عینی کا کہنا ہے کہ لوگوں کی باتوں نے مجھے توڑنے کے بجائے اور مضبوط کردیا، میں نے فیصلہ کیا تھا کہ میں پیچھے نہیں ہٹوں گی۔
رپورٹ:۔ محمد رضا
