سوشل میڈیا پلیٹ فارم ایکس نے ایسے صارفین کے خلاف سخت اقدامات کا اعلان کیا ہے جو اپنی شناخت بدل کر امریکی یا جاپانی ہونے کا دعویٰ کرتے ہیں تاکہ زیادہ لائکس، ویوز اور مالی فوائد حاصل کرسکیں۔
یہ بھی پڑھیں: فنڈنگ بحران کے دوران ایلون مسک کی پیشکش، امریکی ایئرپورٹ سیکیورٹی عملے کی تنخواہیں دینے کو تیار
ایکس نے اپنی ریونیو شیئرنگ پالیسی میں تبدیلی کی ہے اور اب مالی فوائد صارفین کے اصل ملک، قریبی ممالک اور مشترکہ زبان بولنے والے صارفین سے تعلق رکھنے والے مواد پر مرکوز ہوں گے۔
ایکس کے ہیڈ آف پروڈکٹ نکیتا بیئر کے مطابق اب صارفین جو اپنے ملک کے بجائے امریکہ یا جاپان کا دعویٰ کریں گے، وہ ان صارفین سے حاصل ہونے والے مالی فوائد حاصل نہیں کرسکیں گے۔
نکیتا بیئر نے کہا کہ صارفین کو چاہیے کہ وہ اپنے ملک کے روزمرہ تجربات اور مقامی مواد پر توجہ دیں، بجائے اس کے کہ وہ امریکی سیاست یا دیگر غیر ملکی موضوعات پر بات کریں۔
یہ بھی پڑھیں: ایلون مسک ٹوئٹر شیئر ہولڈرز کو دھوکا دینے کے الزام میں ذمہ دار قرار
یہ نئی پالیسی جمعرات سے نافذ العمل ہوگی اور اس کا مقصد مقامی اور متعلقہ مواد کو زیادہ اہمیت دینا، صارفین کے لیے کمیونٹی کو مضبوط بنانا اور غلط شناخت سے مالی فوائد حاصل کرنے کی حوصلہ شکنی کرنا ہے۔
