پی ایس ایل کے تیسرے میچ میں پشاور زلمی نے راولپنڈی پنڈیز کو 5 وکٹوں سے شکست دیدی ہے۔
لاہور کے قذافی اسٹیڈیم میں کھیلے جا رہے میچ میں راولپنڈی پنڈیز کے کپتان محمد رضوان نے ٹاس جیت کر پہلے بیٹنگ کا فیصلہ کیا۔
یہ بھی پڑھیں: پی ایس ایل 11: کراچی کنگز نے سنسنی خیز مقابلے کے بعد کوئٹہ گلیڈی ایٹرز کو شکست دے دی
پنڈیز نے مقررہ 20 اوورز میں 4 وکٹوں کے نقصان پر 214 رنز بنائے۔ یاسر خان نے شاندار بیٹنگ کرتے ہوئے 83 رنز بنائے جبکہ کپتان محمد رضوان نے 41 رنز کی اننگز کھیلی۔
کامران غلام نے 37، ڈیرل مچل نے 23 اور سیم بلنگز نے 18 رنز کی اننگز کھیلیں۔
پشاور زلمی کی جانب سے علی رضا نے 2 جبکہ آرون ہارڈی اور عامر جمال نے ایک ایک وکٹ حاصل کی۔
یہ بھی پڑھیں: پی ایس ایل 11، دفاحی چیمپیئن لاہور قلندرز کا فاتحانہ آغاز، حیدر آباد کنگز مین کو 69رنز سے شکست دیدی
پنڈیز کی اننگز کا آغاز محمد رضوان اور یاسر خان نے کیا اور دونوں کھلاڑیوں کی جانب سے شاندار بلے بازی دیکھی گئی۔ یاسر خان نے 28 گیندوں پر 3 چھکوں اور 6 چوکوں کی مدد سے اپنی ففٹی مکمل کی اور 83 رنز بنا کر آؤٹ ہوئے جبکہ محمد رضوان 41 رنز بنا کر پویلین لوٹ گئے۔
جوابی اننگز میں پشاور زلمی کی جانب سے محمد حارث 47، بابراعظم 39 اور کشال مینڈس 31 رنز کے ساتھ نمایاں رہے۔ محمد امیر، آصف آفریدی نے ایک، ایک جبکہ عماد بٹ نے 2 وکٹیں حاصل کیں۔ زلمی نے مقررہ ہدف کو 19.1 اوورز میں مکمل کر کے پنڈیز کو 5 وکٹوں سے شکست دی۔
