اسلام آباد میں پاکستان، سعودی عرب، ترکی اور مصر کے وزرائے خارجہ کے درمیان مشاورتی اجلاس جاری ہے۔ اجلاس کی میزبانی پاکستان کے نائب وزیر اعظم اور وزیر خارجہ سینٹر محمد اسحاق ڈار کر رہے ہیں۔ اس اجلاس میں وزرائے خارجہ خطے کی موجودہ صورتحال کا جائزہ لیں گے اور باہمی دلچسپی کے امور پر تبادلہ خیال کریں گے۔
قبل ازیں سعودی وزیر خارجہ شہزادہ فیصل بن فرحان آل سعود کا پاکستان پہنچنے پر نور خان ایئربیس پر پُرتپاک استقبال کیا گیا، جس کے بعد وہ وزارت خارجہ پہنچے جہاں ڈپٹی وزیراعظم و وزیر خارجہ اسحاق ڈار نے ان کا استقبال کیا۔ جب کہ مصر اور ترکیہ کے وزرائے خارجہ نے بھی آج اسلام آباد میں وزیر خارجہ اسحاق ڈار سے ملاقات کی، جس میں خطے کی صورت حال پر تبادلہ خیال کیا گیا۔
The Consultations among the Foreign Ministers of Pakistan, Saudi Arabia, Türkiye, and Egypt have commenced in Islamabad on 29 March 2026.
Convened at the invitation of Deputy Prime Minister / Foreign Minister Senator Mohammad Ishaq Dar @MIshaqDar50, the Foreign Ministers during… pic.twitter.com/5capTCXUNO
— Ministry of Foreign Affairs – Pakistan (@ForeignOfficePk) March 29, 2026
گزشتہ رات نائب وزیراعظم و وزیر خارجہ اسحاق ڈار کی ٹیلی فون پر ایران کے وزیر خارجہ عباس عراقچی سے بات ہوئی، جس میں تازہ ترین صورتحال پر تبادلہ خیال کیا گیا۔
Deputy PM/FM Ishaq Dar @MIshaqDar50 met Türkiye FM Hakan Fidan @HakanFidan in Islamabad. Both leaders reaffirmed strong Pakistan–Türkiye ties, discussed regional developments incl. Iran, and stressed dialogue, de-escalation, diplomacy & coordination for peace and stability. pic.twitter.com/oAsQ0Tk5O8
— Ministry of Foreign Affairs – Pakistan (@ForeignOfficePk) March 29, 2026
مزید پڑھیں: مشرق وسطیٰ کشیدگی: اقوام متحدہ پاکستانی کی سفارتی کوششوں کا معترف
مشرق وسطیٰ میں قریباً ایک ماہ سے جاری فوجی کشیدگی میں کمی کے حوالے سے چار فریقی اجلاس اور مشاورت کل تک جاری رہے گی۔
گو کہ پاکستان میں یہ چار فریقی اجلاس ہوگا لیکن ایرانی اعلیٰ حکام سے پاکستانی حکام مسلسل رابطے میں ہیں اور گزشتہ رات ہی ایک اہم پیش رفت ہوئی جس کے بارے میں نائب وزیراعظم و وزیر اسحاق ڈار نے اپنے ایکس اکاؤنٹ پر آگاہ کیا کہ ایران نے 20 مزید جہازوں کو آبنائے ہرمز سے گزرنے کی اجازت دے دی ہے۔
اہم بات یہ ہے کہ مذکورہ 20 بحری جہاز پاکستانی پرچم کے ساتھ آبنائے ہرمز سے گزریں گے۔ نائب وزیراعظم و وزیر خارجہ نے اس کو انتہائی مثبت پیش رفت قرار دیا۔
Saudi Foreign Minister Faisal bin Farhan al Saud @FaisalbinFarhan arrived in Islamabad on an official visit at the invitation of Deputy Prime Minister/Minister for Foreign Affairs Senator Mohammad Ishaq Dar @MIshaqDar50. He was recieved by Additional Secretary Middle East Syed… pic.twitter.com/sT8e30av8w
— Ministry of Foreign Affairs – Pakistan (@ForeignOfficePk) March 29, 2026
آج چار فریقی بیٹھک کی میزبانی پاکستان کرے گا۔ گزشتہ روز وزیر خارجہ اسحاق ڈار نے بتایا کہ سعودی عرب، ترکیہ اور مصر کے وزرائے خارجہ کل اسلام آباد میں ملیں گے اور اس سے اگلے روز وزیراعظم شہباز شریف سے بھی ملاقات کریں گے۔
انہوں نے بتایا کہ ہماری ملاقات ترکیے میں طے تھی مگر مصروفیات کی وجہ سے میں نے بھائیوں کو اسلام آباد دعوت دی، ہم ایمانداری اور نیک نیتی سے تنازع ختم کرنے کی کوشش کررہے ہیں جس میں تمام دوست ممالک بھی بھرپور تعاون کررہے ہیں۔
اسحاق ڈار نے بتایا کہ ایران سے بات چیت جاری ہے، لیکن مذاکرات کے باعث میڈیا پر بات چیت کرنے سے گریز کررہے ہیں۔
وزیراعظم اور ایرانی صدر کا اہم ٹیلیفونک رابطہ
گزشتہ روز وزیراعظم شہباز شریف اور ایرانی صدر مسعود پزشکیان نے ایک گھنٹے سے زائد ٹیلیفونک رابطہ کیا، جس میں خطے میں جاری کشیدگی اور امن کے فروغ پر تفصیلی تبادلہ خیال ہوا۔
وزیراعظم نے ایران پر اسرائیل کے حالیہ حملوں کی شدید مذمت کی اور ایرانی عوام کے ساتھ پاکستان کی مکمل یکجہتی اور حمایت کا اظہار کیا۔ مرحومین کے لیے دعائیں کی گئیں اور زخمیوں کی صحتیابی کی خواہش ظاہر کی گئی۔
امن مذاکرات اور سفارتی کوششیں
وزیراعظم نے ایران کو اپنی اور دیگر پاکستانی رہنماؤں کی جانب سے امریکا، خلیجی اور اسلامی ممالک کے ساتھ جاری امن مذاکرات کی کوششوں سے آگاہ کیا۔ ایرانی صدر نے پاکستان کی کوششوں کی حمایت کی اور امید ظاہر کی کہ اجتماعی اقدامات سے کشیدگی ختم ہوگی۔
مزید پڑھیں: مشرق وسطیٰ جنگ کے بعد عالمی تجارت کا رخ پاکستان کی جانب، بندرگاہوں پر ریکارڈ سرگرمیاں
دونوں رہنماؤں نے مذاکرات میں اعتماد سازی کی ضرورت پر زور دیا۔ وزیراعظم نے یقین دلایا کہ پاکستان خطے میں امن اور استحکام کے لیے اپنا تعمیری کردار جاری رکھے گا۔
امریکی صدر ڈونلڈ ٹرمپ نے پاکستان کے نائب وزیراعظم اور وزیر خارجہ اسحاق ڈار کی ایک اہم ٹوئٹ سوشل میڈیا پر شیئر کر دی، جس کے بعد یہ معاملہ عالمی سطح پر خبروں کی زینت بن گیا۔
خبر ایجنسی کے مطابق اسحاق ڈار نے اپنی ٹوئٹ میں بتایا کہ ایران نے 20 پاکستانی جہازوں کو آبنائے ہرمز سے گزرنے کی اجازت دے دی ہے۔ انہوں نے مزید کہا کہ روزانہ 2 پاکستانی جہاز اس اہم بحری گزرگاہ سے روانہ ہوں گے۔
