اسلام آباد میں وزیراعظم شہباز شریف کی زیر صدارت اجلاس میں خلیجی بحران کے اثرات، پاکستان میں پیٹرولیم مصنوعات کے موجودہ ذخائر اور عوامی ریلیف کے اقدامات کا تفصیلی جائزہ لیا گیا۔
مزید پڑھیں: حکومتی فیصلوں کے باعث پیٹرولیم مصنوعات کی ملکی ضروریات کے لیے مناسب مقدار دستیاب ہے، وزیراعظم
وزیرِ اعظم نے کہا کہ کمزور اور متوسط طبقے کو ہر ممکن ریلیف فراہم کیا جائے گا اور مشکل گھڑی میں انہیں اکیلا نہیں چھوڑا جائے گا۔
اجلاس میں صوبائی حکومتوں کے ساتھ موٹرسائیکل اور رکشوں کے مالکان کی ملکیتی رجسٹریشن جلد مکمل کرنے کے لیے رابطوں کو مربوط کرنے کی ہدایت بھی دی گئی۔
وزیرِ اعظم کی زیر صدارت بچت مہم کے اقدامات پر عملدرآمد یقینی بنانے پربریفنگ۔اجلاس میں نائب وزیرِ اعظم و وزیرِ خارجہ اسحاق ڈار، وفاقی وزراء محمد آصف، احسن اقبال اور متعلقہ اعلی حکام نے شرکت کی. pic.twitter.com/fhCD4VMauB
— WE News (@WENewsPk) March 30, 2026
وزیرِ اعظم نے سرکاری اخراجات میں کمی، ترقیاتی بجٹ میں کٹوتی اور 60 فیصد سرکاری گاڑیوں کو فی الفور بند کرنے کے اقدامات کا ذکر کرتے ہوئے کہا کہ بچت سے حاصل شدہ رقم عوامی ریلیف میں استعمال کی گئی۔ ڈیجیٹل نظام کے ذریعے ریلیف اقدامات عام آدمی تک پہنچائے جائیں گے۔
مزید پڑھیں: حکومت نے پیٹرولیم مصنوعات پر بڑی سبسڈی دی، ڈاکٹر مصدق ملک
اجلاس میں ایندھن کی بچت، موجودہ اسٹاک اور آئندہ لائحہ عمل پر تفصیلی بریفنگ دی گئی جبکہ ایندھن اور ادویات کے مناسب ذخائر کی موجودگی کی بھی تصدیق کی گئی۔
اجلاس میں نائب وزیرِ اعظم، وفاقی وزراء، معاونین خصوصی اور متعلقہ اعلی حکام نے شرکت کی۔
