پاکستان سپر لیگ (پی ایس ایل) کے گیارہویں ایڈیشن کے ابتدائی مرحلے میں 4 روز مکمل ہونے کے بعد آج کوئی میچ شیڈول نہیں ہے، اور ٹیموں کو آرام کا موقع دیا گیا ہے۔
اب تک ایونٹ میں 6 میچ کھیلے جا چکے ہیں جن کے بعد کراچی کنگز 4 پوائنٹس کے ساتھ سرفہرست ہے۔ دفاعی چیمپیئن لاہور قلندرز نے 2 میچز میں ایک کامیابی حاصل کرکے 2 پوائنٹس کے ساتھ دوسری پوزیشن سنبھال رکھی ہے۔
اسی طرح ملتان سلطانز اور پشاور زلمی اپنی اپنی پہلی کامیابی کے بعد 2،2 پوائنٹس کے ساتھ بالترتیب تیسرے اور چوتھے نمبر پر موجود ہیں، جبکہ کوئٹہ گلیڈی ایٹرز بھی ایک جیت اور ایک شکست کے بعد 2 پوائنٹس لے کر پانچویں پوزیشن پر ہیں۔
دوسری جانب راولپنڈی، اسلام آباد یونائیٹڈ ایک، ایک اور حیدرآباد کنگزمین 2 میچز کھیلنے کے باوجود کوئی پوائنٹ حاصل نہیں کر سکے اور یوں وہ چھٹی، ساتویں اور آٹھویں پوزیشن پر براجمان ہیں۔
مزید پڑھیں: شاہین آفریدی نے کوئی خلاف ورزی نہیں کی، ذمہ داری مجھ پر ہے، سکندر رضا
ٹورنامنٹ کا اگلا مقابلہ کل شام 7 بجے قذافی اسٹیڈیم لاہور میں کھیلا جائے گا جہاں اسلام آباد یونائیٹڈ اور پشاور زلمی کی ٹیمیں آمنے سامنے ہوں گی۔
