امریکی صدر ڈونلڈ ٹرمپ نے متنبہ کیا ہے کہ اگر ایران نے فوری طور پر حالات بہتر نہ کیے تو امریکا اس کے توانائی کے اہم مراکز کو نشانہ بنانے سے گریز نہیں کرے گا۔
یہ بھی پڑھیں: آبنائے ہرمز سے پاکستانی پرچم بردار کئی آئل ٹینکرز تحفتاً بھیجے گئے، صدر ٹرمپ کا انکشاف
صدر ٹرمپ نے کہا ہے کہ امریکا اس وقت ایران کے ساتھ ایک نئے اور زیادہ معقول رہنما کے تحت مذاکرات کر رہا ہے تاکہ فوجی آپریشنز کو ختم کیا جا سکے اور کچھ پیشرفت بھی ہوئی ہے۔ تاہم صدر نے خبردار کیا کہ اگر جلد کوئی معاہدہ نہ ہوا اور آبنائے ہرمز تجارتی جہاز رانی کے لیے نہ کھولی گئی تو امریکا ایران کے بجلی کے پلانٹس، تیل کے کنویں اور خارگ جزیرہ سمیت توانائی کے اہم مراکز کو مکمل طور پر تباہ کر سکتا ہے۔
صدر ٹرمپ نے مزید کہا کہ یہ اقدام ایران کی پچھلی حکومت کے 47 سالہ دور میں امریکا کے فوجیوں اور دیگر شہریوں کی ہلاکتوں کے بدلے میں ہوگا۔
مزید پڑھیے: مشرق وسطیٰ میں جاری جنگ کو صرف صدر ٹرمپ ہی روک سکتے ہیں، مصری صدر عبدالفتاح السیسی
انہوں نے واضح کیا کہ ابھی تک ایسے مراکز کو نقصان نہیں پہنچایا گیا لیکن ضرورت پڑنے پر پانی کے ڈیسیلینیشن پلانٹس کو بھی نشانہ بنایا جا سکتا ہے۔
امریکا کی طرف سے یہ انتباہ اس لیے بھی اہم ہے کیونکہ آبنائے ہرمز عالمی تیل کی نقل و حمل کا ایک نہایت حساس راستہ ہے اور اس کے فوری کھلنے یا بند ہونے کے عالمی توانائی مارکیٹ پر براہ راست اثرات مرتب ہوتے ہیں۔
مزید پڑھیے: ایران نے جلد سنجیدگی نہ دکھائی تو واپسی ممکن نہیں ہوگی، صدر ٹرمپ کی پھر دھمکی
صدر ٹرمپ نے اپنے پیغام میں کہا کہ ’میرا دل چاہتا ہے کہ یہ معاملہ بات چیت کے ذریعے حل ہو لیکن اگر حالات نہ بدلے تو ہمیں سخت کارروائی کرنا ہوگی‘۔
