راولپنڈی کے تھانہ روات کے علاقے میں چک بیلی کے قریب ایک افسوسناک واقعہ پیش آیا، جہاں دفتر جانے والی ایک لڑکی کو مبینہ طور پر اغوا کے بعد اجتماعی زیادتی کا نشانہ بنایا گیا۔
پولیس کے مطابق متاثرہ لڑکی روات بازار جانے کے لیے ایک ٹویوٹا ہائی ایس وین میں سوار ہوئی تھی۔
یہ بھی پڑھیں: خیبر پختونخوا: چلتی گاڑی میں اجتماعی زیادتی، متاثرہ لڑکی کی شکایت پر 2 ماہ بعد ایف آئی آر درج
تاہم گاڑی کے کنڈیکٹر نے مبینہ طور پر دروازہ بند کر کے گاڑی کا رخ چک بیلی روڈ کی جانب موڑ دیا۔
بعد ازاں لڑکی کو بگا شیخاں کے ایک گھر میں لے جایا گیا، جہاں 4 افراد نے اس کے ساتھ اجتماعی زیادتی کی۔
ذرائع کے مطابق ملزمان میں عقیل اور سلطان سمیت دیگر افراد کے نام سامنے آئے ہیں۔
مزید پڑھیں: لاہور میں 2 بہنوں کیساتھ مبینہ اجتماعی زیادتی کا واقعہ، مرکزی ملزمان گرفتار
واقعے کی اطلاع ملنے پر پولیس نے متاثرہ لڑکی کی والدہ کی درخواست پر مقدمہ درج کر لیا ہے۔
پولیس حکام کا کہنا ہے کہ ملزمان کی گرفتاری کے لیے مختلف مقامات پر چھاپے مارے جا رہے ہیں اور واقعے کی مزید تفتیش جاری ہے۔
