پاکستان کرکٹ بورڈ (پی سی بی) نے سینٹرل کنٹریکٹ کی مبینہ خلاف ورزی اور متنازعہ ٹویٹ کے بعد قومی ٹیم کے فاسٹ باؤلر نسیم شاہ پر 2 کروڑ روپے جرمانہ عائد کر دیا ہے، جس کے بعد ملکی کرکٹ میں ماضی کے جرمانوں کا ریکارڈ بھی ایک بار پھر توجہ کا مرکز بن گیا ہے۔
اس حوالے سے عبدالرؤف خان کا کہنا ہے کہ پاکستان کرکٹ کی تاریخ میں نظم و ضبط کی خلاف ورزیوں پر کھلاڑیوں کو مختلف ادوار میں سخت مالی سزاؤں اور پابندیوں کا سامنا کرنا پڑا ہے۔
یہ بھی پڑھیں: ’نسیم شاہ کو 2 کروڑ کا جرمانہ ادا کرنا چاہیے یا عدالت جانا چاہیے؟‘، صارفین کرکٹر کے حق میں بول اٹھے
انہوں نے یاد دلایا کہ جسٹس قیوم رپورٹ کے بعد آٹھ کھلاڑیوں پر جرمانے عائد کیے گئے تھے جبکہ 2008 میں سابق فاسٹ باؤلر شعیب اختر پر 70 لاکھ روپے جرمانہ کیا گیا جو اس وقت ایک ریکارڈ تھا۔ بعد ازاں 2015 میں عدالت کے حکم پر یہ رقم پاکستان کرکٹ بورڈ کو واپس کرنا پڑی۔
پاکستان میں کرکٹ کے کھلاڑیوں پر جرمانوں کی تاریخ بہت پرانی ہے۔ جسٹس قیوم رپورٹ میں آٹھ کھلاڑیوں پر جرمانہ کیا گیا، عمر اکمل پر 2020 میں 40 لاکھ جرمانہ ہوا۔ جبکہ شعیب اختر پر 2008 میں پاکستان کی تاریخ کا سب سے بڑا جرمانہ 70 لاکھ کیا گیا۔ جوکہ بعد ازاں 2015 میں کورٹ کے حکم پر پی سی… pic.twitter.com/SexEbNS0wN
— Abdur Rouf Khan (@AbdurRoufKhan6) March 31, 2026
اسی طرح 2009 میں فاسٹ بولر محمد آصف کو دبئی میں منشیات اسکینڈل میں ملوث ہونے پر 10 لاکھ روپے جرمانہ کیا گیا جبکہ 2020 میں وکٹ کیپر بیٹر عمر اکمل پر ضابطہ اخلاق کی خلاف ورزی کے باعث 40 لاکھ روپے جرمانہ عائد کیا گیا تھا۔
عبدالرؤف خان کے مطابق نسیم شاہ پر عائد 2 کروڑ روپے جرمانہ پاکستان کی اسپورٹس تاریخ کا سب سے بڑا مالی جرمانہ بن چکا ہے اور اس سے قبل کسی بھی کھلاڑی پر اس قدر بھاری جرمانہ عائد نہیں کیا گیا۔
یہ بھی پڑھیں: مریم نواز کے خلاف ٹوئٹ، قومی کرکٹر نسیم شاہ پر 2 کروڑ روپے جرمانہ عائد
دوسری جانب صحافی فیضان لاکھانی نے نشاندہی کی کہ شعیب اختر کو ماضی میں متعدد بار جرمانوں کا سامنا کرنا پڑا۔ ان کے مطابق 2007 میں جنوبی افریقا میں محمد آصف کو بلا مارنے کے الزام میں ان پر 34 لاکھ روپے جرمانہ کیا گیا۔ جبکہ اسی سال کیمپ چھوڑنے پر مزید 3 لاکھ روپے جرمانہ عائد کیا گیا تھا۔
شعیب اختر پر اس سے قبل 2007 میں جنوبی افریقا میں محمد آصف کو بلا مارنے کے الزام میں 34 لاکھ روپے جرمانہ عائد کیا گیا تھا، اس کے علاوہ 2007 میں ہی کیمپ چھوڑ کر جانے پر تین لاکھ روپے جرمانی لگایا گیا تھا ۔۔ مجموعی حساب کتاب اور کرنسی کی ویلیو کے حساب سے دیکھا جائے تو شعیب جتنے… https://t.co/hcfhtBRp3w
— Faizan Lakhani (@faizanlakhani) March 31, 2026
ان کا کہنا تھا کہ مجموعی طور پر اور کرنسی ویلیو کو مدنظر رکھا جائے تو شعیب اختر پر عائد جرمانوں کی مجموعی مالیت شاید کسی اور کھلاڑی سے زیادہ رہی ہے۔
