بھارت کی کنندا فلم انڈسٹری میں کام کرنے والے نوجوان اداکار نتھن گوپی حرکت قلب بند ہونے سے دنیا سے چل بسے ہیں۔
میڈیا رپورٹس کے مطابق اداکار وشنو وردھن کے ساتھ فلم ہیلو ڈیڈی میں بطور چائلڈ اسٹار اداکاری کے جوہر دکھانے والے نتھن گوپی کا 39 برس کی عمر میں انتقال ہو گیا ہے۔
بھارتی میڈیا نے بتایا ہے کہ اداکار کو دل میں تکلیف کے باعث اسپتال منتقل کیا تا ہم وہ جانبر نہ ہو سکے اور دم توڑ گئے۔
اداکار کی اچانک موت پر شوبز انڈسٹری سے تعلق رکھنے والوں نے دکھ اور افسوس کا اظہار کیا ہے۔
میڈیا رپورٹس میں بتایا گیا ہے کہ اداکار نتھن گوپی کی ابھی شادی نہیں ہوئی تھی اور وہ بنگلورو میں اپنے والدین کے ساتھ رہ رہے تھے۔
