پنجاب کے وزیر تعلیم رانا سکندر حیات نے طلبہ و طالبات کو تعلیمی اداروں میں واپسی پر خوش آمدید کہتے ہوئے اعلان کیا ہے کہ آج سے صوبے بھر میں تعلیمی سلسلہ معمول کے مطابق بحال ہو گیا ہے۔
یہ بھی پڑھیں: پنجاب میں اسکول کب کھلیں گے؟ وزیر تعلیم نے اعلان کردیا
وزیر تعلیم کے مطابق اسکولوں، کالجوں اور یونیورسٹیوں میں تدریسی عمل اب حسب معمول ہفتے میں 5 دن جاری رہے گا۔
انہوں نے اس عزم کا اظہار کیا کہ تعلیم کے حوالے سے درپیش مشکلات اور رکاوٹوں کو مل جل کر عبور کیا جائے گا۔
رانا سکندر حیات نے مزید کہا کہ ماضی میں ہونے والے تعلیمی نقصانات کے ازالے کے لیے حکومتی سطح پر تعلیمی پالیسیوں کا ازسر نو جائزہ لیا جائے گا۔
مزید پڑھیے: پنجاب میں سرکاری اسکولوں کے اساتذہ کے لیے بلیک گاؤن لازمی قرار؟
اس کے ساتھ ساتھ نئی حکمت عملی وضع کرنے کے لیے مختلف اسٹیک ہولڈرز سے مشاورت کا عمل بھی جاری ہے تاکہ آئندہ کسی بھی تعلیمی خلل سے بچا جا سکے۔
انہوں نے طلبہ، اساتذہ اور والدین پر زور دیا کہ وہ تعلیمی سرگرمیوں میں بھرپور حصہ لیں اور تعلیمی نظام کو مضبوط بنانے میں اپنا کردار ادا کریں۔
محکمہ تعلیم کا نوٹیفیکیشن
محکمہ تعلیم پنجاب کی جانب سے جاری ہونے والے نوٹیفکیشن کے مطابق اسکول جمعہ، ہفتہ اور اتوار کو بند رہیں گے اور اس طرح تدریس ہفتے میں 4 دن ہوگی۔
پنجاب کے سرکاری و پرائیویٹ اسکولوں میں ہر جمعہ کو چھٹی ہوگی….!!!!
اسکولوں کے اوقات کار صبح 8 بجے سے دوپہر 1 بجکر 30 منٹ تک ہونگے….!!!! pic.twitter.com/ZHZzOdnJ5s— DTE PUNJAB DSD (@DsdDte) April 1, 2026
نوٹیفکیشن کے مطابق جمعے کی چھٹی کا اطلاق سرکاری اور پرائیوٹ اسکولز دونوں پر ہی ہوگا۔
پڑھائی کے اوقات
پیر سے جمعرات تک اسکولز 8 بجے سے ڈیڑھ بجے تک کھلے رہیں گے۔
نوٹیفکیشن میں بتایا گیا ہے کہ ڈبل شفٹ والے اسکولز 8 سے ساڑھے 12 بجے تک ایک شفٹ مکمل کریں گے۔ دوسری شفٹ والے اسکول دوپہرایک سے شام ساڑھے 5 بجے تک کھلے رہیں گے۔
مزید پڑھیں: پنجاب حکومت کا نجی اسکولوں کی فیس کم کرنے کا فیصلہ، حقیقت کیا ہے؟
دوپہر والے اسکولوں میں پڑھائی دن کے ایک بجے سے ساڑھے 5 بجے تک ہوگی۔
