پاکستان کے سب سے مقبول رئیلٹی شو ’پاکستان آئیڈل‘ کے مداحوں کے لیے ایک حیران کن خبر سامنے آئی ہے۔ وہ فائنل جس کا انتظار پوری قوم کو تھا، فی الحال ملتوی کر دیا گیا ہے۔
پروڈکشن ٹیم نے اپنے سرکاری بیان میں اس فیصلے کی وجوہات اور مستقبل کے منصوبے واضح کیے ہیں جن میں ملک کی موجودہ صورتحال، علاقائی کشیدگی، اور قومی کفایت شعاری کے اقدامات شامل ہیں۔
View this post on Instagram
پروڈکشن ٹیم نے کہا کہ شو رمضان کے دوران وقفہ پر گیا تاکہ اس مہینے کا احترام کیا جا سکے۔ ابتدائی منصوبہ یہ تھا کہ عید کے بعد شو دوبارہ شروع ہو اور فائنل چند ہفتوں میں منعقد ہو گا لیکن ملکی حالات، بڑھتی ہوئی علاقائی کشیدگیاں اور قومی کفایت شعاری کے اقدامات کے پیش نظر یہ فیصلہ کیا گیا کہ اس پیمانے کے جشن کو ابھی جاری رکھنا مناسب نہیں ہوگا۔
ٹیم نے مزید کہا کہ پاکستان آئیڈل ہمیشہ خوشی، فخر اور قوم کے اجتماعی جذبے کی علامت رہا ہے اور فائنل اسی وقت ہونا چاہیے جب ملک اسے قبول کر سکے۔
View this post on Instagram
شرکاء کے لیے یقین دہانی کرائی گئی کہ ان کا سفر ختم نہیں ہوا۔ ناظرین کے لیے بھی ٹیم نے اظہار تشکر کیا اور کہا کہ ان کی محبت، حمایت اور اس پلیٹ فارم پر اعتماد بہت اہمیت رکھتا ہے۔ پروڈکشن ٹیم نے مزید کہا کہ پاکستان آئیڈل مستقبل میں ضرور واپس آئے گا۔
سوشل میڈیا صارفین اس فیصلے سے ناخوش نظرا ٓئے اور انہوں نے انتظامیہ ہر خوب تنقید کی۔ ایک صارف نے کہا کہ یہ بہت مایوس کن ہے، جو ہر ماہ بینگ واچ کی سبسکرپشن پاکستان آئیڈل دیکھنے کے لیے ادا کر رہے ہیں، اب سبسکرپشن منسوخ کرنے کا وقت آ گیا ہے۔
View this post on Instagram
علینا لکھتی ہیں کہ یہ اب تک ہی ہونے والی سب سے مضحکہ خیز چیز ہے۔ جبکہ ایک صارف نے دعویٰ کیا کہ انہوں نے وینڈرز کو ادائیگی نہیں کی اسی لیے شو بند ہو گیا۔ اصل وجہ یہ ہے کہ وہ کئی لوگوں کے مقروض ہیں، رمضان یا علاقائی کشیدگی نہیں۔
ایک صارف نے مذاق اڑاتے ہوئے کہا کہ کیا ہوا پیٹرول نہیں ہے؟ جبکہ عکی عارف نامی صارف نے کہا کہ ابھی اوپو فیسٹیول آ رہا ہے، پھر راگ فیسٹ، پھر سول فیسٹ۔ جبکہ پی ایس ایل بھی کھیلی جا رہی ہے لیکن پاکستان آئیڈل جشن منانے کے لیے تیار نہیں ہے۔
