1960 کی دہائی کی مقبول سائنس فکشن ٹیلی ویژن سیریز اسٹار ٹریک اور اس کے بعد بننے والی 7 فلموں میں خلائی جہاز کے نیویگیٹر پاول چیخوف کا کردار ادا کرنے والے معروف اداکار والٹر کوئنیگ 90 برس کی عمر میں انتقال کر گئے۔
والٹر کوئنیگ اتوار کو لاس اینجلس میں اپنی رہائش گاہ پر وفات پا گئے، ان کے ٹیلنٹ ایجنٹ نے ان کے انتقال کی تصدیق کی۔
یہ بھی پڑھیں: ہالی ووڈ کے لیجنڈری اداکار رابرٹ ریڈفورڈ 89 برس کی عمر میں انتقال کر گئے
اسٹار ٹریک میں ان کے ساتھ کام کرنے والے اداکار جارج ٹیکی نے پیر کو فیس بک پر اپنے پیغام میں لکھا کہ ان کا دل غم سے بوجھل ہے۔ ’ہمارے اینسائن پاول چیخوف، والٹر کوئنیگ، آج صبح سویرے انتقال کر گئے۔‘
اسٹار ٹریک کے تخلیق کار جین روڈن بیری نے کوئنیگ کو اس وقت منتخب کیا تھا جب وہ افسانوی خلائی جہاز انٹرپرائز کے عملے میں ایک روسی کردار شامل کرنا چاہتے تھے، اس وقت کوئنیگ ٹیلی ویژن پر صرف چند کردار ادا کر چکے تھے۔
Good to see Walter Koenig's (RIP) recurring role as psychic blackshirt Alfred Bester on Babylon 5 getting so much attention. Chekov is fine but Koenig really deserves to be remembered for playing such a great villain rather than just one of the secondary guys on Star Trek pic.twitter.com/uBpPZch81R
— Alba's Sneed (@sneednahalba) October 26, 2026
ایک روسی افسر کو مختلف نسلوں، ثقافتوں اور پس منظر سے تعلق رکھنے والے افراد پر مشتمل عملے کے ساتھ ہم آہنگی سے کام کرتے دکھانا اُس دور کے عالمی سیاسی حالات کے تناظر میں خاص اہمیت رکھتا تھا، کیونکہ دنیا سرد جنگ کی کشیدگی سے گزر رہی تھی۔
کوئنیگ نے ایک مرتبہ بی بی سی کو انٹرویو دیتے ہوئے کہا تھا کہ وہ بالواسطہ طور پر یہ پیغام دے رہے تھے کہ تمام نسلوں، عقائد اور قومیتوں کے لوگ نہ صرف ایک ساتھ رہ سکتے ہیں بلکہ ایک دوسرے سے گہری محبت بھی کر سکتے ہیں۔
مزید پڑھیں: ہالی ووڈ کی معروف اداکارہ ہیڈن پنیٹیئر 36 برس کی عمر میں انتقال کرگئیں
’اس طرح ہم ایک انتہائی پُرامید مستقبل کی نوید دے رہے تھے۔‘
والٹر کوئنیگ روسی نژاد یہودی تارکین وطن کے بیٹے تھے، تاہم پاول چیخوف کے کردار میں انہوں نے روسی لہجے کی ایسی نقل اختیار کی جو حقیقی روسی لہجے سے مطابقت نہیں رکھتی تھی۔
بعض اوقات اس لہجے کو مزاح پیدا کرنے کے لیے بھی استعمال کیا جاتا تھا۔
مزید پڑھیں: ٹرمپ کی پالیسی سے نالاں ہالی ووڈ اداکارہ کرسٹن کا امریکا چھوڑنے پر غور
اسٹار ٹریک کی اصل ٹیلی ویژن سیریز 1966 سے 1969 تک 3 سیزن پر مشتمل رہی، کوئنیگ نے اس دوران سیریز کی 36 اقساط میں کام کیا، جبکہ 1979 سے 1994 کے درمیان ریلیز ہونے والی اس سلسلے کی 7 فلموں میں بھی اپنے کردار کو نبھایا۔
کوئنیگ نے 2008 میں ایک اخبار کو انٹرویو دیتے ہوئے بتایا تھا کہ انہیں آڈیشن کے دوران ہی آگاہ کر دیا گیا تھا کہ وہ یہ کردار حاصل کر چکے ہیں۔
’مجھے آڈیشن کے دوران ہی بتا دیا گیا تھا کہ مجھے یہ کردار مل گیا ہے۔ اُس وقت ایسا لگتا تھا کہ یہ کام شاید چند اقساط تک محدود رہے گا، لیکن مجھے اندازہ نہیں تھا کہ یہ میرے کیریئر اور زندگی کا رخ مکمل طور پر بدل دے گا۔‘
