دبئی میں مقیم بھارت کے مسلمان ارب پتی بزنس میں رضوان ساجن نے اعلان کیا کہ علاقائی کشیدگی کے باوجود ان کے گروپ کے 6ہزار سے زائد ملازمین کی نوکریاں محفوظ ہیں۔
دبئی میں مقیم بھارتی کاروباری شخصیت اور ڈینوب گروپ کے بانی رضوان ساجن نے اپنے 6ہزار سے زائد ملازمین کو یقین دلایا ہے کہ موجودہ مغربی ایشیا کے تنازع کے دوران بھی ان کی نوکریاں مکمل طور پر محفوظ رہیں گی اور تنخواہیں وقت پر دی جاتی رہیں گی۔ اس اعلان نے سوشل میڈیا پر زبردست پذیرائی حاصل کی۔
یہ بھی پڑھیں: ملازمین کے لیے حیران کن تحفہ، سی ای او کا کمپنی فروخت کر کے ملازمین کو کروڑوں کا بونس
ساجن نے انسٹاگرام پر لکھا کہ ’اچھی صورتحال میں ہر کوئی ترقی کی بات کرتا ہے، لیکن مشکل وقت میں آپ کے اقدار کی پرکھ ہوتی ہے۔‘ انہوں نے کہا کہ ملازمین نے ان پر اعتماد کیا اور ڈینوب گروپ کو بنیاد سے تعمیر کرنے میں مدد کی، اب ان کا فرض ہے کہ وہ اپنے ملازمین کے ساتھ کھڑے رہیں۔
View this post on Instagram
انہوں نے تصدیق کی کہ گروپ میں کوئی بھی نوکری ختم نہیں کی جائے گی اور تمام تنخواہیں وقت پر ادا کی جائیں گی۔ اس پوسٹ پر آن لائن صارفین نے بھرپور ردعمل دیا اور اسے تعریف اور ستائش کی نظروں سے دیکھا۔ کئی صارفین نے کہا کہ یہ صرف 6ہزار ملازمین کی نہیں بلکہ 6ہزار خاندانوں کی زندگیوں پر اثر ڈالنے والا اقدام ہے۔
رضوان ساجن 1993 میں دبئی آئے اور ایک ہارڈویئر کی دکان سے اپنے کیریئر کا آغاز کیا۔ اسی سال انہوں نے چھوٹے پیمانے پر تجارتی فرم ڈینوب قائم کی۔ دو دہائیوں بعد، 2014 میں انہوں نے ڈینوب پراپرٹیز کی بنیاد رکھی، جو متحدہ عرب امارات کے سب سے نمایاں رئیل اسٹیٹ ڈویلپرز میں سے ایک بن گئی۔
یہ بھی پڑھیں: سخاوت کی تاریخ رقم، ملازمین میں 240 ملین ڈالر بونس کی تقسیم
ان کے کاروباری مفادات بحرین، بھارت، سعودی عرب، عمان، قطر اور چین تک پھیلے ہوئے ہیں اور گروپ کی سالانہ آمدنی 5.13 ارب درہم سے زیادہ ہے۔ ڈینوب پراپرٹیز نے بالی ووڈ سپر اسٹار شاہ رخ خان کے نام پر 55 منزلہ کمرشل ٹاور بھی تیار کیا ہے، جو بھارتی ثقافت اور جنوبی ایشیا کے لوگوں میں اس کی مقبولیت کی عکاسی کرتا ہے۔
رضوان ساجن کا کہنا ہے کہ متحدہ عرب امارات موقعوں کی زمین ہے، جہاں غیر ملکی پیشہ ور اور کاروباری نہ صرف ذاتی ترقی کر سکتے ہیں بلکہ معاشرے اور معیشت میں بھی نمایاں حصہ ڈال سکتے ہیں۔
