وزارت خارجہ پاکستان کے ترجمان طاہر اندرابی نے میڈیا رپورٹس میں جاری علاقائی کشیدگی اور پاکستان کی سفارتی کوششوں سے متعلق خبروں کو گمراہ کن قرار دیتے ہوئے سختی سے مسترد کر دیا ہے۔
یہ بھی پڑھیں:وزارت خارجہ کی مشرق وسطیٰ کے تنازع پر قیاس آرائیوں سے گریز کی اپیل
ترجمان کے جاری بیان کے مطابق سوشل میڈیا اور بعض ذرائع ابلاغ میں نام نہاد سرکاری ذرائع کے حوالے سے شائع ہونے والی اطلاعات بے بنیاد اور من گھڑت ہیں۔ وزارت خارجہ نے واضح کیا کہ اس حوالے سے کسی بھی سرکاری ذریعے سے منسوب کی جانے والی باتیں درست نہیں اور یہ محض قیاس آرائیاں ہیں۔
🔊PR No.9️⃣0️⃣/2️⃣0️⃣2️⃣6️⃣
Statement by the Spokesperson pic.twitter.com/oDVMDQi3RN
— Ministry of Foreign Affairs – Pakistan (@ForeignOfficePk) April 3, 2026
بیان میں مزید کہا گیا کہ حالیہ بریفنگ، جو جمعہ کے روز وزارت خارجہ میں ہوئی، کو بھی غلط انداز میں پیش کیا گیا اور ایسے نکات شامل کیے گئے جن پر نہ تو بات ہوئی اور نہ ہی کوئی اشارہ دیا گیا تھا۔ ترجمان نے اس صورتحال کو باعثِ تشویش قرار دیتے ہوئے کہا کہ حساس علاقائی حالات میں ذمہ دارانہ صحافت نہایت ضروری ہے۔
وزارت خارجہ نے میڈیا پلیٹ فارمز پر زور دیا کہ وہ احتیاط برتیں، غیر مصدقہ معلومات سے گریز کریں اور صرف مستند و سرکاری بیانات پر انحصار کریں تاکہ درست اور بروقت معلومات عوام تک پہنچ سکیں۔
