پاکستان پیپلز پارٹی کے چیئرمین بلاول بھٹو زرداری نے سابق وزیراعظم اور بانی پی پی پی شہید ذوالفقار علی بھٹو کے 47ویں یومِ شہادت پر اپنے پیغام میں انہیں سلام پیش کیا ہے۔
اپنے بیان میں بلاول بھٹو زرداری نے کہا کہ ذوالفقار علی بھٹو ایک مدبر اور دور اندیش رہنما تھے جن کی قربانی جمہوریت اور عوامی وقار کی لازوال علامت بن گئی۔ ان کے مطابق شہید بھٹو کی جدوجہد کو دبایا نہیں جا سکا بلکہ ان کی شہادت نے ایک قوم کے ضمیر کو مزید بیدار کیا۔
یہ بھی پڑھیے: ’ذوالفقار بھٹو کیس عدالتی تاریخ کا بدترین باب ہے‘، چیف جسٹس کا اضافی نوٹ
انہوں نے کہا کہ ذوالفقار علی بھٹو نے 1973 کا متفقہ آئین دیا، عوام کو ووٹ کا حق اور طاقت دی، محروم طبقات کو آواز دی، امت مسلمہ کے اتحاد کو فروغ دیا اور پاکستان کی خودمختاری کو مضبوط بنیاد فراہم کی۔
قائدِ عوام شہید ذوالفقار علی بھٹو کے 47ویں یومِ شہادت پر انہیں سرخ سلام پیش کرتے ہیں۔
وہ ایک مدبر رہنما تھے جن کی قربانی جمہوریت اور عوام کے وقار کی لازوال آواز بن گئی۔ ان کی شہادت کسی آواز کا خاموش ہونا نہیں بلکہ ایک قوم کے ضمیر کی بیداری تھی۔
شہید ذوالفقار علی بھٹو نے قوم کو… pic.twitter.com/V2gJ2rNesX
— Bilawal Bhutto Zardari (@BBhuttoZardari) April 4, 2026
چیئرمین پیپلز پارٹی نے اس عزم کا اظہار کیا کہ شہید بھٹو کے مشن کو آگے بڑھاتے ہوئے ملک کو ایک مضبوط، جمہوری اور فلاحی ریاست بنانے کے خواب کو حقیقت میں بدلا جائے گا۔
