شہزاد رائے پاکستان کے معروف گلوکار اور سماجی کارکن ہیں جن کے گانے اور تعلیم کے فروغ کے لیے خدمات کو ہمیشہ سراہا جاتا رہا ہے۔ وہ تعلیمی شعبے میں بہتری کے لیے مسلسل آواز اٹھانے اور بااثر حلقوں سے سوال کرنے کی وجہ سے عوام میں خاصی مقبولیت رکھتے ہیں۔
یہ بھی پڑھیں:ننھی فلسطینی بچی کی دردناک داستان پر ملالہ یوسفزئی بھی تڑپ اُٹھیں، اسرائیل سے فوری جنگ بندی کا مطالبہ
دوسری جانب ملالہ یوسفزئی بھی عالمی سطح پر تعلیم کے حق میں سرگرم کارکن کے طور پر جانی جاتی ہیں۔ نوبیل امن انعام یافتہ ملالہ کو جہاں دنیا بھر میں پذیرائی ملتی ہے وہیں انہیں تنقید کا بھی سامنا رہتا ہے۔
View this post on Instagram
ایک گفتگو کے دوران شہزاد رائے نے ملالہ یوسفزئی سے مختلف موضوعات پر بات کی اور مزاحیہ انداز میں انہیں اپنا پسندیدہ ایجنٹ بھی قرار دیا۔ اسی گفتگو میں انہوں نے غزہ میں جاری صورتحال پر ملالہ کی ابتدائی خاموشی کے حوالے سے سوال کیا۔
یہ بھی پڑھیں: ملالہ یوسف زئی کا ایک بار پھر غزہ میں مستقل جنگ بندی اور امداد کی فراہمی کا مطالبہ
ملالہ یوسفزئی نے جواب دیتے ہوئے کہا کہ ان پر خاموش رہنے کا الزام درست نہیں کیونکہ انہوں نے اسرائیلی کارروائیوں کے خلاف سماجی رابطوں کی ویب سائٹ پر بیان دیا تھا اور ایک اہم تقریب میں خصوصی نشان بھی لگایا تاکہ اس مسئلے کی جانب توجہ دلائی جا سکے۔
ان کا کہنا تھا کہ انہوں نے ایرانی اسکول پر حملے میں جاں بحق ہونے والی بچیوں کے حق میں بھی آواز اٹھائی، مگر لوگ حقائق جانے بغیر تنقید کرتے ہیں۔
