لاہور قلندرز کی انتظامیہ نے ٹیومر میں مبتلا ایک بچے کی دیرینہ خواہش پوری کرنے کا اعلان کردیا ہے۔
فرزان نامی بچہ گزشتہ 4 سال سے ٹیومر کے خلاف بہادری سے مقابلہ کر رہا ہے اور وہ لاہور قلندرز کا بڑا مداح ہے۔ اس نے ٹیم کے کپتان شاہین شاہ آفریدی سے ملاقات کی خواہش ظاہر کی تھی۔
یہ بھی پڑھیں: دوستوں کی پکار 55 دن کومے میں رہنے والے 8 سالہ بچے کو زندگی کی طرف کیسے واپس لے آئی؟
بچے نے اپنے پیغام میں بتایا کہ اس کا تعلق قلعہ دیدار سنگھ، گوجرانوالا سے ہے اور وہ اپنی پسندیدہ ٹیم اور کپتان سے ملنا چاہتا ہے۔
اس حوالے سے لاہور قلندرز کی انتظامیہ کا کہنا ہے کہ بچے کا پیغام ان تک پہنچ چکا ہے اور بہادر بچے کو میچ میں خصوصی طور پر مدعو کیا جائے گا تاکہ وہ شاہین شاہ آفریدی سے ملاقات کرسکے۔
یہ بھی پڑھیں: ننھے بچے کی خواہش پر استنبول کا آسمان رنگین غباروں سے بھر گیا
انتظامیہ نے بچے کو خوش کرنے کے لیے کھلاڑیوں کی دستخط شدہ شرٹ تحفے میں دینے کا بھی وعدہ کیا ہے۔
