پاکستان سپر لیگ (پی ایس ایل) 11 کے 14ویں میچ میں ملتان سلطانز نے راولپنڈیز کو 7 وکٹوں سے شکست دے دی۔
لاہور میں کھیلے گئے اس میچ میں ملتان سلطانز نے راولپنڈی کی جانب سے دیا گیا 183 رنز کا ہدف 16.2 اوورز میں 3 وکٹوں کے نقصان پر حاصل کر لیا۔
Multan Sultans seal a commanding seven-wicket victory as they surmount the 183-run target with 22 balls to spare. #HBLPSL11 | #NewEra | #MSvRP pic.twitter.com/S8YNQthkQ6
— PakistanSuperLeague (@thePSLt20) April 6, 2026
فاتح ٹیم کی جانب سے صاحبزادہ فرحان نے شاندار بیٹنگ کرتے ہوئے 38 گیندوں پر 68 رنز کی میچ وننگ اننگز کھیلی، جوش فلپس 56 رنز کے ساتھ نمایاں رہے، جبکہ شان مسعود 27 اور کپتان ایشٹن ٹرنر 26 رنز کے ساتھ ناٹ آؤٹ رہے۔
راولپنڈی کی طرف سے محمد عامر نے 2 وکٹیں حاصل کیں۔
اس سے قبل راولپنڈی نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 182 رنز اسکور کیے تھے۔
سیم بلنگز نے 34 گیندوں پر 56 رنز کی اننگز کھیلی جبکہ کامران غلام 35 رنز بنا کر نمایاں رہے۔
کپتان محمد رضوان 19 رنز بنا کر آؤٹ ہوئے، ڈیان فوریسٹر 24 رنز بنا سکے جبکہ ڈیرل مچل 17 رنز پر فیصل اکرم کا شکار بنے۔
ملتان سلطانز کی جانب سے فیصل اکرم نے شاندار بولنگ کرتے ہوئے 4 وکٹیں حاصل کیں، عرفات منہاس نے 2 کھلاڑیوں کو آؤٹ کیا جبکہ پیٹر سڈل اور محمد اسماعیل نے ایک، ایک وکٹ حاصل کی۔
میچ سے قبل ملتان سلطانز کے کپتان ایشٹن ٹرنر نے ٹاس جیت کر راولپنڈی کو پہلے بیٹنگ کی دعوت دی تھی۔
واضح رہے کہ گزشتہ روز کھیلے گئے میچ میں ملتان سلطانز نے کوئٹہ گلیڈی ایٹرز کو با آسانی شکست دی تھی۔
