حکومت نے موٹر سائیکل مالکان کے لیے پیٹرول سبسڈی فراہم کرنے کا اعلان کیا ہے تاکہ شہریوں پر ایندھن کے بڑھتے ہوئے اخراجات کا بوجھ کم کیا جا سکے۔
اس سہولت سے فائدہ اٹھانے کے لیے ضروری ہے کہ موٹر سائیکل مالک کے نام پر رجسٹرڈ ہو۔
یہ بھی پڑھیں: موٹرسائیکلوں پر ایم ٹیگ لگوانے کی آخری تاریخ مقرر، ڈی جی ایکسائز نے بڑا اعلان کردیا
محکمہ ایکسائز نے موٹر سائیکل کی رجسٹریشن اور ٹرانسفر کے عمل کو آسان بنانے کے لیے متعدد اقدامات کیے ہیں۔
ڈی جی ایکسائز اینڈ ٹیکسیشن اسلام آباد کے مطابق، شہری فوری طور پر اپنی موٹر سائیکل اپنے نام پر کروائیں تاکہ وہ اس حکومتی ریلیف سے فائدہ اٹھا سکیں۔
شہری سہولت کو مدنظر رکھتے ہوئے محکمہ ایکسائز نے اپنے دفاتر 24 گھنٹے کھلے رکھنے کا فیصلہ کیا ہے اور اضافی کاؤنٹرز فعال کیے جائیں گے تاکہ رجسٹریشن اور ٹرانسفر کا عمل تیز اور مؤثر ہو۔
مزید پڑھیں: کیا اسلام آباد داخلے کے لیے موٹر سائیکلز کو بھی ای ٹیگ کی ضرورت ہوگی؟
عرفان نواز میمن نے بتایا کہ یہ اقدام شہریوں کی سہولت کے لیے کیا جا رہا ہے اور اس سے رش اور وقت کے ضیاع میں کمی آئے گی۔
یہ قدم حکومت کی جانب سے عوام کے لیے خاص طور پر ایندھن کی قیمتوں میں حالیہ اضافے کے تناظر میں فوری ریلیف فراہم کرنے کی کوششوں کا حصہ ہے۔
