وفاقی دارالحکومت اسلام آباد کی ضلعی انتظامیہ نے دکانوں، مارکیٹس اور شاپنگ مالز کو رات 8 بجے بند کرنے کا باضابطہ نوٹیفکیشن جاری کر دیا۔
ڈپٹی کمشنر اسلام آباد کے مطابق یہ احکامات 7 اپریل 2026 سے تاحکم ثانی نافذ العمل رہیں گے۔
سمارٹ توانائی مینجمنٹ اور منظم شہری زندگی کی جانب ایک مثبت قدم 👏
اسلام آباد انتظامیہ کا کاروباری اوقات کو منظم کرنے کا فیصلہ متوازن حکمتِ عملی کی عکاسی کرتا ہے—جس میں ضروری خدمات کی فراہمی برقرار رکھتے ہوئے کارکردگی اور بچت کو فروغ دیا گیا ہے۔
صحت، ایندھن اور روزمرہ ضروریات کے… pic.twitter.com/pLEdfWQGxN— Abdul Qayyum Siddiqui (@QayyumReports) April 6, 2026
نوٹیفکیشن میں کہا گیا ہے کہ پورے ہفتے کے دوران کاروباری سرگرمیاں رات 8 بجے تک محدود رہیں گی، جبکہ صرف میڈیکل اسٹورز، اسپتالوں اور لیبارٹریز کو اس پابندی سے استثنیٰ حاصل ہوگا۔
مزید بتایا گیا ہے کہ پیٹرول پمپس اور سی این جی اسٹیشنز پر یہ پابندی لاگو نہیں ہوگی، جبکہ تندور، بیکریاں اور دودھ کی دکانیں بھی اس حکم سے مستثنیٰ قرار دی گئی ہیں۔
نوٹیفکیشن کے مطابق ہوٹلز، ریسٹورنٹس اور فوڈ آؤٹ لیٹس رات 10 بجے بند ہوں گے، تاہم ٹیک اوے اور ہوم ڈیلیوری سروسز جاری رہیں گی۔
اسی طرح شادی ہالز اور شادی تقریبات کو بھی رات 10 بجے تک ختم کرنا لازمی قرار دیا گیا ہے، جبکہ گھروں اور فارم ہاؤسز میں ہونے والی شادی تقریبات بھی مقررہ وقت تک مکمل کرنا ہوں گی۔
