پاکستان نے مشرق وسطیٰ میں جاری کشیدگی کے دوران ایران کی جانب سے سعودی عرب پر کیے گئے حملوں کی شدید مذمت کرتے ہوئے بھرپور یکجہتی کا اظہار کیا ہے۔
وزیراعظم پاکستان شہباز شریف نے سعودی عرب کے ولی عہد اور وزیراعظم شہزادہ محمد بن سلمان سے ٹیلیفونک رابطہ کیا، جس میں دونوں رہنماؤں کے درمیان موجودہ صورتحال پر تبادلہ خیال کیا گیا۔
وزیراعظم نے گفتگو کے دوران سعودی عرب کے ساتھ پاکستان کی غیر متزلزل یکجہتی کا اظہار کیا اور الجبیل میں ہونے والے حالیہ حملے کی شدید مذمت کی۔
Spoke with my dear brother, HRH Prince Mohammed bin Salman,Crown Prince & Prime Minister of the Kingdom of Saudi Arabia, and conveyed Pakistan’s unwavering solidarity with the Kingdom of Saudi Arabia. Condemned today’s attack on the Al Jubeil oil facility. We stand shoulder to…
— Shehbaz Sharif (@CMShehbaz) April 7, 2026
انہوں نے کہاکہ پاکستان اس مشکل وقت میں اپنے سعودی بھائیوں اور بہنوں کے ساتھ شانہ بشانہ کھڑا ہے۔
شہباز شریف نے سعودی قیادت کی دانشمندانہ اور بردباری پر مبنی پالیسی کو سراہتے ہوئے کہاکہ ولی عہد محمد بن سلمان کی قیادت میں مملکت نے تحمل کا مظاہرہ کیا ہے، جو قابل تحسین ہے۔
انہوں نے اس عزم کا اعادہ بھی کیا کہ پاکستان خطے میں کشیدگی کم کرنے اور امن کے فروغ کے لیے اپنی کوششیں جاری رکھے گا۔
قبل ازیں ترجمان دفتر خارجہ نے ایک بیان میں کہاکہ پاکستان نے سعودی عرب کے مشرقی علاقے میں توانائی تنصیبات پر ہونے والے میزائل اور ڈرون حملوں کی شدید مذمت کی ہے۔
مزید پڑھیں: پاکستان کی سعودی عرب پر حملوں کی شدید مذمت، یکجہتی کا اظہار
ترجمان نے کہاکہ پاکستان ان حملوں میں قیمتی جانوں کے ضیاع پر گہرے دکھ اور افسوس کا اظہار کرتا ہے اور متاثرہ خاندانوں سے دلی تعزیت کرتا ہے۔
🔊PR No.9️⃣4️⃣/2️⃣0️⃣2️⃣6️⃣
Pakistan Condemns Attacks on Saudi Arabia, Extends Condolences and Solidarity
🔗⬇️https://t.co/NKaFAJNRV8 pic.twitter.com/AovoQYWZnW
— Ministry of Foreign Affairs – Pakistan (@ForeignOfficePk) April 7, 2026
بیان میں مزید کہا گیا کہ پاکستان سعودی عرب کی خودمختاری اور علاقائی سالمیت کی خلاف ورزی کو انتہائی سنگین سمجھتا ہے اور اسے خطے کے امن و استحکام کے لیے خطرناک پیشرفت قرار دیتا ہے۔
پاکستان نے اس مشکل وقت میں سعودی حکومت اور عوام کے ساتھ مکمل یکجہتی کا اظہار کرتے ہوئے مملکت کی سلامتی کے لیے اپنی غیر متزلزل حمایت کا اعادہ کیا ہے۔
دریں اثنا فیلڈ مارشل سید عاصم منیر کی زیرصدارت کور کمانڈرز کانفرنس میں کہا گیا ہے کہ ایران کے سعودی عرب پر حملے پرامن ذرائع سے تنازع کے حل کی مخلصانہ کوششوں کو نقصان پہنچا رہے ہیں۔ سعودی عرب نے سنگین اشتعال انگیزیوں کے باوجود تحمل کا مظاہرہ کیا جس سے ثالثی اور سفارتی حل کی راہ ہموار ہوئی۔
پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل سید عاصم منیر کی زیرصدارت 274ویں کور کمانڈرز کانفرنس ہوئی۔
فورم نے مشرق وسطیٰ میں جنگ کے خاتمے کے لیے حکومت کی بھرپور کوششوں کو سراہا اور کہاکہ پاکستان متحمل مذاکرات، کشیدگی میں کمی اوراصولی سفارتکاری کے لیے پرعزم ہے۔
فورم نے کہاکہ ایک ذمہ دار اسٹیک ہولڈر کے طور پر پاکستان علاقائی سلامتی کے استحکام کے طور پر فعال ریجنل سیکیورٹی سٹیبلائزر کا کردار ادا کر رہا ہے۔
کورکمانڈرز کانفرنس نے سعودی عرب کے پیٹروکیمیکل اور صنعتی کمپلیکس پر حالیہ حملوں کی شدید مذمت کی اور تشویش کا اظہار کیا، اور کہاکہ سعودی عرب پر حملے ایک غیر ضروری کشیدگی ہیں۔
فورم نے کہاکہ ایران کے سعودی عرب پر حملے پرامن ذرائع سے تنازع کے حل کی مخلصانہ کوششوں کو نقصان پہنچا رہے ہیں۔
مزید کہا گیا کہ سعودی عرب نے سنگین اشتعال انگیزیوں کے باوجود اب تک جس تحمل اور محتاط رویے کا مظاہرہ کیا، اس سے ثالثی اور سفارتی حل کی راہ ہموار ہوئی۔
کور کمانڈرز نے کہاکہ اس نوعیت کے حملے اور بلاجواز جارحیتیں جاری پرامن کوششوں اور سازگار ماحول کو سنگین طریقے سے متاثر کرتی ہیں۔
وفاقی وزیر مملکت بیرسٹر عقیل ملک نے بھی سعودی عرب کی تیل تنصیبات پر ہونے والے حملے کی شدید مذمت کرتے ہوئے کہا ہے کہ یہ اقدام خطے میں امن کے قیام کی جاری کوششوں کو نقصان پہنچانے کے مترادف ہے۔
The attack on Saudi oil facilities is highly condemnable and undermines ongoing efforts to maintain peace in the region. Such actions not only escalate tensions but also pose serious threats to regional stability and global energy security.
We stand in full solidarity with Saudi…
— Barrister Aqeel Malik (@BrAqeelMalik) April 7, 2026
اپنے بیان میں انہوں نے کہاکہ اس نوعیت کی کارروائیاں نہ صرف کشیدگی میں اضافہ کرتی ہیں بلکہ علاقائی استحکام اور عالمی توانائی کے تحفظ کے لیے بھی سنگین خطرات پیدا کرتی ہیں۔
مزید پڑھیں: پاکستان علما کونسل کی ایرانی قیادت سے سعودی عرب سمیت اسلامی ممالک پر حملے روکنے کی اپیل
انہوں نے مزید کہاکہ پاکستان اس مشکل گھڑی میں سعودی عرب کے ساتھ مکمل یکجہتی کا اظہار کرتا ہے اور اپنی بھرپور حمایت کا اعادہ کرتا ہے۔
ان کا کہنا تھا کہ اس طرح کی غیر ذمہ دارانہ کارروائیاں امن عمل کو شدید متاثر کرتی ہیں اور خطے میں پائیدار استحکام کے حصول کی تمام کوششوں میں رکاوٹ بنتی ہیں۔
