پنجاب اسمبلی میں مسلم لیگ ن کے چیف وہپ رانا محمد ارشد نے ایک قرار داد جمع کرائی ہے جس میں وزیراعظم شہباز شریف، فیلڈ مارشل سید عاصم منیر اور وزیر خارجہ اسحاق ڈار کو نوبیل امن انعام کے لیے نامزد کرنے کی سفارش کی گئی ہے۔
یہ بھی پڑھیں: امریکا ایران جنگ بندی: نوبیل انعام کا اصل حق دار پاکستان ہے، اٹلی
قرار داد کے متن کے مطابق ایوان ان رہنماؤں کی مؤثر سفارت کاری کو سراہتا ہے، جس کے نتیجے میں خطے میں امن اور استحکام کے فروغ کی راہ ہموار ہوئی۔
متن میں کہا گیا ہے کہ حالیہ کشیدگی، جو اسرائیل، امریکا اور ایران کے درمیان تھی، عالمی امن کے لیے سنگین خطرہ بن چکی تھی اور کسی بھی وقت بڑے عالمی بحران کا روپ لے سکتی تھی۔ وزیراعظم، فیلڈ مارشل اور وزیر خارجہ نے جنگ بندی اور تنازع کم کرنے میں کلیدی کردار ادا کیا۔
یہ بھی پڑھیں: پاکستان نے دنیا کو جنگ سے بچایا، نوبیل انعام ملنا چاہیے، مسعود خان
قرار داد میں مزید ذکر کیا گیا ہے کہ ایوان متفقہ طور پر مطالبہ کرتا ہے کہ یہ تینوں رہنما نوبیل امن انعام کے لیے نامزد کیے جائیں تاکہ ان کی سفارتی کاوشوں کو عالمی سطح پر تسلیم کیا جا سکے۔
