بھارت کی ریاست مدھیہ پردیش میں ایک ہولناک واقعہ سامنے آیا ہے جہاں ایک خاتون نے اپنے شوہر کو قتل کروانے کے بعد واردات کو ڈکیتی ظاہر کرنے کی کوشش کی۔
میڈیا رپورٹس کے مطابق 23 سالہ خاتون نے اپنے عاشق کے ساتھ مل کر اپنے شوہر کے قتل کی منصوبہ بندی کی۔ پولیس کے مطابق خاتون کافی عرصے سے اپنے رشتہ دار اور عاشق کے ساتھ تعلق میں تھی اور دونوں مسلسل رابطے میں تھے۔
یہ بھی پڑھیے: بنگلہ دیش: طالبعلم قتل کیس میں 2 پولیس اہلکاروں کو سزائے موت
واقعہ اس وقت پیش آیا جب شوہر اپنی بیوی اور بچے کے ساتھ موٹر سائیکل پر جا رہا تھا۔ خاتون نے پولیس کو بتایا کہ راستے میں اس کا بیگ گر گیا، جسے اٹھانے کے لیے وہ نیچے اتری، اسی دوران نامعلوم افراد آئے اور اس کے شوہر کو گولی مار کر فرار ہو گئے۔
تاہم تحقیقات کے دوران پولیس کو خاتون کے بیان میں تضاد محسوس ہوا جس کے بعد تفتیش کا رخ بدل گیا۔ مزید پوچھ گچھ پر انکشاف ہوا کہ خاتون نے اپنے عاشق کے ساتھ مل کر شوہر کو راستے سے ہٹانے کا منصوبہ بنایا کیونکہ وہ ان کے تعلق میں رکاوٹ بن رہا تھا۔
پولیس نے خاتون اور اس کے عاشق کو گرفتار کر لیا ہے جبکہ ایک اور ملزم تاحال مفرور ہے۔
