پاکستان میں متعین امریکی ناظم الامور نٹالی بیکر کا ایک ویڈیو کلپ وائرل ہورہا ہے جس میں وہ چند سوالات کے دلچسپ جوابات دے کر سننے والوں کو خوب محظوظ کرتی ہیں۔ ان کا کہنا ہے کہ وہ تھوڑی تھوڑی اردو بول سکتی ہیں۔
ایک غیر رسمی گفتگو میں نٹالی بیکر نے بتایا کہ وہ اس وقت پاکستان میں کام کرنے والی امریکی کمپنیوں کے سربراہان سے ملاقات کی تیاری کر رہی ہیں، جن کا مقصد ملک بھر میں روزگار کے مواقع پیدا کرنا اور مشترکہ خوشحالی کو فروغ دینا ہے۔
انہوں نے کہا کہ پاکستان میں قائم ’لنکن کارنرز‘ تعلیمی اور ثقافتی حوالے سے ایک اہم ذریعہ ہیں، جہاں امریکی تعلیم اور ثقافت میں دلچسپی رکھنے والے افراد کو معلومات اور رہنمائی فراہم کی جاتی ہے۔
Dear Pakistanis Meet your favourite one 🇵🇰❤️
She is Natalie A. Baker , Chargé d’Affaires in US Ambassy in pakistan 🇵🇰 pic.twitter.com/6UIAOFAZXR
— Saddia Mazhar|سعدیہ مظہر (@SaddiaMazhar) April 12, 2026
نٹالی بیکر نے اپنی ذاتی خصوصیات کا ذکر کرتے ہوئے کہا کہ وہ ایک اچھی سامع ہیں، اور ان کے بقول ایک کامیاب سفارتکار کے لیے سننے کی صلاحیت نہایت اہم ہوتی ہے۔
انہوں نے بتایا کہ وہ عربی، ہسپانوی، فارسی اور روسی زبانوں سے بھی واقف ہیں، جو انہیں مختلف ثقافتوں سے جڑنے میں مدد دیتی ہیں۔ اور تھوڑی تھوڑی اردو بھی بول سکتی ہوں۔
انہوں نے اپنے پس منظر کے بارے میں بتایا کہ ان کا تعلق امریکی ریاست ٹیکساس کے شہر سان انتونیو سے ہے، جو اپنی منفرد ثقافتی شناخت کے لیے مشہور ہے۔
نٹالی بیکر نے مزید کہا کہ وہ اس وقت پاکستان میں کاروباری سرگرمیوں کے بارے میں سیکھ رہی ہیں، خاص طور پر ان کمپنیوں کے بارے میں جو امریکا کے ساتھ تعلق رکھتی ہیں۔ انہوں نے حال ہی میں سیالکوٹ میں فٹبال بنانے والی ایک فیکٹری کا دورہ بھی کیا، جہاں مقامی صنعت کی مہارت کو سراہا۔
